پاکستان نینگ خیبر پختونخوا ایالتی نینگ باش وزیری سهیل آفریدی، تحریک انصاف حزبی (PTI) اۉز اعتراضی یوریشینی ایرته گه، یکشنبه ۴ اکتوبرده، باشله شینی اعلان قیلدی. او بو اعتراضلر «اساسی قانون حاکمیتی نینگ تحقق تاپیشی و مستقل قضایی قوه نینگ قیتیب کیلیشی» گه قدر دوام ایتیشینی تأکیدله‌دی.
جناب آفریدی ایکس اجتماعی ترماغیده بیر پستده، بو یوریش لکی مروت منطقه سی نینگ «گندی چوک» دن باشله نیشینی یازدی. او پاکستان بیر دموکراتیک مملکت ایکنینی اشاره قیلیب، تینچلیک اعتراض حقینی بو مملکت نینگ اساسی قانونیده تضمینلنگن بیر حق دیب اتدی.
بو یوریش آلدینراق ۵ میزان تاریخیده اۉتکزیلیشی ریجه لنگن اېدی، لیکن جدی امنیتی چیکلاولر و اسلام آبادگه باره دیگن یۉللرنینگ یاپیلیشی سببلی، کیینگه قالدیریلگن اېدی. تحریک انصاف حزبی نینگ طرفدارلری کۉپ مرته اۉز زندانی رهبرلری عمران خان نینگ آزاد ایتیلیشی اوچون تظاهرات قیلگنلر.
خیبر پختونخوا باش وزیری، پاکستان نینگ حاضرگی حاکملرینی «مجبوری» شکلده مملکت کنترولینی قولگه آلگنلیکده و اۉز قدرت لرینی سقلب قآلیش اوچون «پاکستانگه آتش قۉیگنلیکده» عیبله‌دی.
او شونینگدیک ۲۰۲۲ نچی ییل یازیده گی «رژیم اۉزگریشی» دن سۉنگ، تروریزم ینه بیر بار قصداً خیبر پختونخوا ایالتیگه یوکلنگنینی ادعا قیلدی. آفریدی نینگ ایتیشیچه، عمران خان هر دایم اۉز خلقیگه قرشی حربی عملیاتلر و پیلوتسیز اوچار جهاز هجوملری تروریزمگه قرشی کوره شده پایدار بیر ییچیم ایمسلیگینی و فقط اونینگ آртишиگه سبب بۉلیشینی تأکیدلب کیلگن.
منبع: رسانه ای گزارشلر
🌐
