طالبان حکومتی نینگ چېگره لر، قوم لر و قبیله لر ایشلری بۉییچه وزیری نورالله نوری، اوشبو گروه نینگ قوراللی مخالف لریدن اوروش دن قول تارتیشلرینی و تینچ حیات اوچون افغانستانگه قیتیب کېلیشلرینی طلب قیلدی. او چهارشنبه کونی آلتی ولایت دن بۉلگن کوچی لرنینگ اولوغلری بیلن اوچره شووده، طالبان حکومتی نینگ مخالف لر بیلن مذاکره گه تیار ایکنینی بیلدیردی.
جناب نوری مخالف لرگه خطاب قیلیب ایتدی: «افغانستان همه افغانلر نینگ اویی دیر. بیز تفاهم اهلی میز و سیزلر بیلن مذاکره قیله میز.» او، «تفنگ یولی بیلن کیلگنلر مغلوب بۉله دی» و افغانستاننی خوفسیزلشتیریش اوچون قیلینگن سعی و حرکت لر «یامان عاقبتلر» بیلن روپه ره بۉلیشینی آگاهلنتیردی.
طالبان وزیری ملی مقاومت جبهه سی کبی مخالف جریانلرنی تنقید قیلیب سۉره دی: «سیزلر افغانستان نی کیم نینگ قولیدن آزاد قیله سیزلر؟» او مخالف لرنی چیت اېل کوچلری موجودلیگی پیتیده «اشغالچیلر» یانیده تورگنلیکده عیبله دی و حاضر ایسه آزادلیک اوچون کوره ش ادعا قیله یاتگنلرینی ایتدی.
طالبان نینگ بو مقامی، حاضر افغانستانده «علما، شهدا و خلق حکومتی» حاکم ایکنینی ادعا قیلیب، بو نظامنی «اسلامی، شرعی و افغانی» دېب اتدی. او مخالف لردن حاضرگی حکومت اوچون قنده‌ی بدیل لری بارلیگینی سۉره دی و طالبان نظامیگه قرشی اوروش نینگ «شرعی اساس گه اېگه ایمسلیگینی» ایتدی.
بو بیاناتلر، آزادلیک جبهه سی و ملی مقاومت جبهه سی کبی طالبان مخالف گروه لری نینگ سونگگی آیلرده اۉز هجوملرینی آرتیرگن بیر پیتده بیریلماقده. بو جبهه لر کۉپ مرته طالبان حکومتی نینگ مشروعیتینی سوال آستیگه آلیب، اولرنی کوچ بیلن قدرتنی قولگه کیریتگنلیکده، بیر قوملی حکومت تشکیل بېریب، خاتین قیزلر و باشقه قوملرنی چېتگه سورگنلیکده عیبله گنلر.
اۉتگن بیش ییل دوامیده، مخالف جریانلر کۉپ مرته طالبان دن مملکت بحرانینی حل قیلیش اوچون مذاکره گه کیریشینی طلب قیلگنلر، لیکن طالبان مقاملری هر دایم اولرنینگ حاکمیتی بیلن بحران نینگ یکونلنگنینی و همه نینگ اوشبو گروه نینگ اداره سیدن پیروی قیلیشی کېره کلیگینی تأکیدله گنلر.
نورالله نوری شونینگدیک پاکستانگه آگاهلنتیریش بېریب، اسلام آباد نینگ افغانستان تاریخی و بو مملکتده مغلوب بۉلگن شوروی و آمریکا کبی قدرت لرنینگ تقدریدن درس آلیشی کېره کلیگینی ایتدی. اونینگ بو سۉزلری ایککی مملکت اۉرته سیده گی چېگره توقنه شوولری و پاکستان نینگ افغانستان توپراغیگه قیلگن هوا هجوملری بیلن دوام اېته یاتگن سونگگی شدید کیскиنلیکلرگه اشاره قیله دی.
منبع: زرین تلویزیون
🌐
