هند تشقی ایشلر وزیری س. جایشانکار، هند تامانیدن روسیه دن آلینگن حربی تجهیزات نینگ احتمالی روشده یوشیرین چین تکنالوژی سیگه ایگه بولیشی ممکن لیگی حقیده گی گمانلرنی قتّیق رد ایتدی.
بیر ژورنالیست نینگ هند بو موضوع دن تشویشلنه‌دی می دیگن سوالیگه جواباً، جایشانکار ایتدی: «مېن هیچ قچان بو تکلیف نینگ، یعنی بیز روسیه دن هر نیمه آلسک، اونده چین تکنالوژی سی بارلیگی حقیده گی حتی کیچیک بیر اشاره بیلن هم روپه رو بولمه گنمن.»
بو سوال، تامینات زنجیری خوفسیزلیگی و شونینگدیک روسیه و چین اورته سیده گی چوقور تکنالوژیک و حربی همکارلیک حقیده گی اورته گه چیقماقده بولگن دنیا تشویشلرینی عکس ایتدیره دی. ایککی کتته قدرت صفتیده، اولرنینگ همکارلیگی باشقه مملکتلر تامانیدن دقت بیلن کوزه تیلماقده.
هند دنیا ده گی روسیه قوراللرینی اینگ کتته وارد قیلووچیلردن بیری حسابلنه دی، بو علاقه شوروی دورانیگه باریب تقه له‌دی. عین پیتده، هند اوز قوشنی‌سی چین بیلن، اینیقسه چیگره بحثلری اوستیده، بحرانلی و کوپینچه دشمنانه مناسبتلرگه ایگه.
جایشانکار نینگ قاطع انکاری، هند نینگ اوزاق مدتلی مدافعه شریکی، یعنی روسیه گه بولگن ایشانچ نینگ بیر کوچلی بیانیه‌سی دیر. بو، ینگی دهلی نینگ نقطه‌ی نظریدن، روسیه و چین نینگ یقین علاقه لریگه قره‌مسدن، روسیه دن آلینگن حربی سخت افزار نینگ بوتونلیگی شک آستیده ایمس لیگینی کورسته‌دی.
بو موضوع افغانستان و منطقه اوچون شونینگ اوچون اهمیتلی که هند، روسیه و چین کبی کتته قدرت‌لرنینگ استراتیژیک بیرلشوی منطقه وی خوفسیزلیک اوچون مهم پیامدلریگه ایگه و بو مملکت‌لرنینگ برچه‌سی افغانستانده اوز منفعتلریگه ایگه دیر.
منبع: رسانه لر
🌐
