افغانستان نینگ ژنو ده گی دایمی نماینده سی و ایلچیسی نصیر احمد اندیشه، بیرلشگن ملت لر تشکیلاتی نینگ افغانستانده گی یاردم هیئتی (یوناما) نینگ هزینه لری و بودجه سینی دقیق قیته کۉریب چیقیشنی طلب قیلدی. او، هر قنده‌ی بودجه قیsqartirishi انسان حق لری و خاتین-قیزلرنی قوللب-قوتلش کبی حیاتی بۉلیملرنینگ کیچیکله شیشیگه سبب بولمسلیگی کیره کلیگینی تاکیدله دی.
جناب اندیشه پنجشنبه کونی، ۲۳ میزان ده، اوز ایکس صحیفه سیده، یوناما نینگ بیر ییللیک ماموریتی قیته کۉریب چیقیلیشی چوکاتیده، بیرلشگن ملت لر تشکیلاتی باش کاتبی بو تشکیلات نینگ بودجه سی و خادملری سانینی کمه یتیریشنی کۉریب چیقه یاتگنینی یازگن. او بو کمه یتیریش یوناما ماموریتی نینگ اساسی بۉلیملرینی ضعیفلشتیریش بها سیگه بولمسلیگی کیره ک دیب آگاهلنتیردی.
بو افغان دیپلوماتی نینگ ایتیشیچه، یوناما نینگ تخمیناً ۱۲۰۰ خادمی بار و اولردن ۴۰۰ گه یقین کیشی خلق ارا خادملردیر. او، هر بیر خلق ارا خادم نینگ ییللیک معاش و امتیازاتی ۲۰۰ مینگ دالر اطرافیده ایکنینی و یوناما بودجه سی نینگ کتته بیر قسمی معاشلر، لجستیکی هزینه لر و امنیتی مصرفلرگه صرفلنه یاتگنینی قوشیمچه قیلدی، و بو هزینه لر تېجش اوچون تیکشیریلیشی کیره کلیگینی بیلدیردی.
افغانستان نینگ سویس ده گی ایلچیسی، هزینه لرنی کمه یتیریش، محلی افغان خادملری نینگ بستلرینی یوقوتیش بها سیگه بولمسلیگی کیره کلیگینی، چونکه بو خادملر یوناما فعالیتلرینی اجرا قیلیشده مهم رول اۉینشلرینی تاکیدله دی.
او مخصوصاً انسان حق لری و خاتین-قیزلرنی قوللب-قوتلش بۉلیملرینی سقلش و کوچه‌یتیریشگه تاکیدلب، طالبان حاکمیتی آستیده افغانستانده انسان حق لری نینگ، اینیقسه خاتین-قیزلر حق لری نینگ یمان وضعیتیگه قره گنده، بو بۉلیملرنی کیچیکلهشتیریش قبول قیلینمس ایکنینی ایتدی.
نصیر احمد اندیشه سۉنگیده، یوناما بودجه سی نینگ کمه یتیریلیشی، خلق ارا همجمعیت نینگ افغان خلقیگه قره ته تعهدلری نینگ کمه ییشی دیب تعبیر قیلینمسلیگی کیره کلیگینی و دنیا افغان خلقی نی، اینیقسه بو قیین شرایطده، قوللب-قوتلشنی دوام ایتتیریشی لازملیگینی بیلدیردی.
منبع: نصیر احمد اندیشه نینگ ایکس صحیفه‌سی
🌐
