ملل متحد نینگ افغانستان اوچون امانتی صندوقی معلوم قیلدی که ناروېگیا قریب ۲.۶ میلیون دالر بو صندوقگه یاردم قیلگن. بو صندوق ناروېگیا نینگ یینگی یاردمیدن استقبال قیلیب ایتدی که بو مملکت نینگ داوامدار حمایتی ملل متحد اداره لریگه یاردم قیلادی که افغانستان خلقیگه کۉپراق خدمتلر تقدیم قیلسون، افغانستان بشردوستانه صندوقی نینگ ایتیشیچه.
بو صندوق نینگ رسمی معلوماتیگه کۉره، ناروېگیا نینگ افغانستانگه ییغیندی یاردملری هازیرگیچه ۴۹.۳ میلیون دالردن زیاده گه یتگن. ناروېگیا سویدن و آلمان دن کیین، ملل متحد نینگ افغانستان اوچون خاص صندوقی نینگ اوچینچی کتته یاردمچیسی حساب لنادی.
۲۰۲۱ ییلدن هازیرگیچه، ییغیندی ۱۶ یاردمچی ۲۷۷ میلیون دالردن زیاده بو صندوقگه پرداخت قیلگن لر. بو یاردملر دنیا جماعتی نینگ افغانستانده بشری احتیاجلرگه رسیدگی قیلیش اوچون هرکتلری نینگ بیر قسمی حساب لنادی.
ناروېگیا حکومتی تاکید قیلگن که بو مملکت نینگ یاردملری مستقیم طالبان حکومتی گه بیریلمیدی، بلکه کۉپ طرفه اداره لر و غیرحکومتی تشکیلاتلر یولی بیلن افغانستان خلقیگه یتادی. بو یول غربی مملکتلر نینگ افغانستانده بشردوستانه یاردملرگه اۉرته سیده گی عمومی سیاستی گه موافق دیر.
ناروېگیا شونینگدېک شرط قیلگن که خاتین لر و قیزلر نینگ خدمتلرگه باراوار دسترسی بو مملکت نینگ افغانستانده یاردم رسانی پروگرام لریدن حمایتی نینگ اصلی شرطلریدن بیری بۉلسون. بو موقف طالبان حکومتی نینگ افغان خاتین لری اوستیده محدودیتلری هقیده دنیا جماعتی نینگ اندیشه لری بیلن باغلی دیر.
ملل متحد بو ییل افغانستانده ۱۷.۵ میلیون احتیاجمند و زیانمند کیشی گه رسیدگی قیلیش اوچون ۱.۷ میلیارد دالر بودجه طلب قیلگن، امما هازیرگیچه فقط ۳۰ فایزدن آز بیر مقدار تأمین بۉلگن.
منبع: افغانستان بشردوستانه صندوقی
🌐
