یمن نینگ خلق ارا رسمیتگه اېگه حکومتی نینگ معلوماتیگه کۉره، یمنیه هوا یۉللری شرکتی نینگ قاهره گه قره‌ب اوچه‌یاتگن بیر اوچاغیده گی کмиده ۱۵۱ یۉلاوچی، جمعه کونی عدن خلق ارا هوا میدانی محوطه سیگه حوثی عصیانچیلری تامانیدن آتیلگن ایکّی راکت نینگ توشیشی آرتیدن، قیینچیلیک بیلن جان ساغله دی.
یمن اطلاعات وزیرلیگی بیر بیانیه ده اعلان قیلدی که، یمنیه شرکتی نینگ اوچاغی، «تروریست حوثی شبه نظامی لری» هوا میدانی نی ایکّی راکت بیلن هدف قیلگن لحظه ده، اوچیشگه تیارگرلیک کۉره‌یاتگن اېدی. بیانیه ده کیلیشیچه، راکتلر اوچاقدن تقریباً ۵۰۰ متر و اوچیش-قۉنیش یۉلی نینگ مرکزیدن تخمیناً ۱۰۰ متر اوزاقلیککه توشگن.
بو هجوم، بیر کتته بشری فاجعه یوز بیریشی حقیده گی خواطرلرنی اویغاتدی. عدن، یمن حکومتی نینگ موقت پایتختی بۉلیب، ییللردن بېری ایران حمایه‌سیده گی حوثی حرکتی بیلن اوروشده دیر.
یمن اطلاعات وزیرلیگی بو هجومنی شدیداً قاره لب ایتدی: «یوز بیرگن حادثه فقط بیر ملکی هوا میدانیگه هجوم ایمس، بلکه یۉلاوچیلر و اوچیش خدمه سی نینگ حیاتی، هوانوردی خوفسیزلیگیگه مستقیم تهدید و خلق ارا قانونلر و نورملرنینگ آغیر شکلده پامال ایتیلیشی اېدی.»
بو حادثه، یمن ایچکی اوروشی نینگ ملکی اهالی و حیاتی زیربنالرگه یره ته‌دیگن خطرلرینی ینه بیر بار کۉزگه تشله‌یدی. پایتخت صنعا و مملکت شمالی نینگ ک۬پ قسمینی کنترول قیله‌دیگن حوثی لر، آلدین هم یمن و قۉшни مملکتلرده گی ملکی هدفلرگه اوخشش هجوملر اویوشتیرگنلر.
خلق ارا جمعیت، تکراراً ملکی هدفلرگه هجوملرنی توخته‌تیش و یمنده گی توقنشوونی توگه تیش اوچون سیاسی بیر ییچیم تاپیشنی طلب قیلگن، بو توقنشوونی بیرلشگن ملتلر تشکیلاتی دنیا نینگ اینگ یامان بشری بحرانی دیب توصیفله‌گن.
منبع: خبر آژانسلری
🌐
