مصنوعی هوش شرکتی انتروپیک، «کلود» ناملی مصنوعی هوش یاردمچیسی نینگ ایشلب چیقرووچیسی، اۉز سهمی نینگ بېش فایزینی «عامه منفعت صندوقی» گه اختصاص بېریش نیتیده اېکنینی اعلان قیلدی.
بو شرکت دوشنبه کونی، بو صندوق نینگ مقصدی نینگ مصنوعی هوش آرقه لی تولید اېتیلگن ثروت نینگ بیر قسمینی عامه منفعت تامانیگه یونه لتیریش اېکنینی معلوم قیلدی. بو حرکت، مصنوعی هوش نینگ کسب و کار لر شکلینی اۉزگرتیریب و ایش بازاری نی بوزیش بیلن تهدید قیلیاتگن بیر پیتده یوز بېرماقده.
بو صندوق، غیر انتفاعی تشکیلاتلر، مخصوص گروه لرگه تۉغریدن تۉغری تۉلاولر، و ایش بازاریگه مصنوعی هوش نینگ تأثیری بیلن کوره شیش اوچون تشبثلرنی قوللب قوتله شی ممکن. بو تکنالوژی شرکتلری نینگ اجتماعی مسئولیت تامانیگه تشلنگن مهم بیر آدیم حسابلنه‌دی.
انتروپیک سهم لری نینگ باشلنغیچ بېش فایزلیک تخصیصی، سهمدارلرنینگ تصدیقیگه باغلیق. بو سهم، شرکت نینگ ارزشی نینگ آشیشی بیلن اوسیب باریشی ممکن. شرکت نینگ مدیرلر هیئتی، شرکت ارزشی نینگ هر ۵۰ فایز آشیشی اوچون باشقه ایکّی فایز سهم نی بو صندوقگه اختصاص بېریشی ممکن.
انتروپیک، تکنالوژی نینگ رواجلنیشی و اونینگ اقتصادی تأثیرلری نینگ کینگه‌ییشی بیلن، بو صندوق نینگ عامه منفعت تشبثلرینی قوللب قوتلش اوچون کۉپراق اېگیلووچنلیک و مقیاس فراهم قیله جگینی ایتگن.
انتروپیک نینگ بو حرکتی، باشقه بویوک مصنوعی هوش شرکتلری اوچون بو تکنالوژیدن حاصل بولگن ثروت نینگ عادلانه تقسیماتی توغریسیده فکر قیلیشلری اوچون بیر نمونه صفتیده کۉریله‌دی. مصنوعی هوش نینگ منفعتلرینی قنده‌ی تقسیم قیلیش توغریسیده گی بحث، تکنالوژی دنیاسیده بیر قیزغین موضوع دیر.
کۉپچیلیک متخصصلرنینگ ایشانچیگه کۉره، بونده‌ی آدیم لرسز، جمعیتلرده طبقاتی بۉلینیوچیلیک مصنوعی هوش نینگ ایلگریله شلری سببلی چووقورلشیب کیتیشی ممکن.
منبع: Zarin TV
🌐
