کالیفورنیاده گی مقامات، امریکا قوشمه ایالتلری نینگ مهاجرت و گمرک اداره سی (ICE) مامور لری اونینگ خاتینی نی آلیب کیتگنینی ادعا قیلگن بیر هند تبعه سی نینگ، اونی قتل قیلیش عیبی بیلن قولگه آلینگنینی اعلان قیلدی.
ساکرامنتو شهریستانی نینگ کلانتر اداره سی بیر مطبوعاتی بیانیه ده، ۲۸ یاشلی گوریندر سنگ گیل نینگ، چهارشنبه کونی ۳۰ یاشلی خاتینی جاسمین گیل نینگ اولیمی بیلن علاقه دار قولگه آلینگنینی ایتدی. خاتین گیل نینگ کویگن جسدی نینگ قالدیق لری ال دورادو شهریستانیده تاپیلگن اېدی.
بو اېرکه ک آلدین پولیس گه خاتینی نینگ مهاجرت اداره سی مامورلری تامانیدن قاچیریلگنینی گزارش بېرگن اېدی، بو ادعا کیینگی تیکشیرولر نتیجه سیده ناتوغری اېکن لیگی ثابت بولیب و شبهه لرنی اونینگ اوزیگه قره تدی.
گزارشلرگه اساساً، جاسمین گیل نینگ غایب بولگنیدن سونگ، کینگ قولیملیک تیکشیرولر باشلنگن. اونینگ جسدی نینگ قالدیق لری نینگ باشقه بیر شهریستانده تاپیلیشی، بو دوسیه نی بیر غایب بولیش دوسیه سیدن بیر قتل دوسیه سیگه اوزگرتیردی.
گوریندر سنگ گیل حاضر ساکرامنتو شهریستانی نینگ مرکزی قماقخانه سیده سقلنماقده و حاضرگی پیتده ضمانت بیلن آزاد اېتیلیش شرایطیگه اېگه اېمس. پولیس، بو قتل نینگ انگیزه‌سی و تفصیلاتلری حقیده تیکشیرولرنینگ دوام اېته یاتگنینی ایتگن.
بو تکان بېرووچی حادثه، کالیفورنیاده گی محلی هند تبعه لی جمعیتنی شوکه قیلدی. اجتماعی فعاللر و مقتول نینگ عایله اعضالری عدالت اجرا اېتیلیشینی طلب قیلگنلر. بو قضیه امریکا و هند رسانه لریده کینگ انعکاس تاپگن.
مقامات، عدالت نینگ تولیق اجرا اېتیلیشینی تأمین لش اوچون بار بولگن برچه شواهدنی تیکشیره جکلرینی ایتگنلر. بو دوسیه حقیده کۉپراق تفصیلات تیکشیرولرنینگ ایلگریله شی بیلن ترقه تیله‌دی.
منبع: Sacramento County Sheriff’s Office
🌐
