ایتالیا نینگ میلان شهریده پولیس یکشنبه کونی ایککینچی کون قطار، ضعیف عامه خدمت لر و یشش خرجت لری نینگ آشیشیگه قرشی اعتراض قیلگن معترضلر بیلن درگیر بولدی. بو اعتراضلر زوروانلیک بیلن همراه اېدی.
بو کون، تظاهرچیلر تاش آتدیلر، دوکانلرنی تالادیلر و شهر مرکزیده چیقیندی سطللرینی آتشه تارتدیلر. شورشگه قرشی پولیس اولرنی اورقگه سوریش اوچون یشش آقیزووچی گاز و سوو سپووچی موترلردن فایده لندی.
یوزلرینی یاپگن نچه یوز معترض، شهر نینگ اصلی مکانلریدن بیری بولمیش «پیازا دومو» میدانی یقینیده ییغیلیب، دوکانلرنینگ شیشه لرینی سیندریب و آتش یاقیب، هرج و مرج یولگه قویدیلر.
رویترز خبر آژانسی، تیکشیرولردن خبردار منبع لرنینگ معلوماتیگه اساسله نیب، ۶۰ دن آرتیق معترض نینگ کۉپراق تیکشیرولر اوچون پولیس مرکزینیگه انتقال بېریلگنینی گزارش قیلگن. بو اعتراضلر فرانسه ده گی سونگگی ناآرام لیک لرنینگ انعکاسی دېب اته لگن.
بو تظاهراتلر، اروپا نینگ بیر قسم اهالی سی آره سیده اقتصادی و اجتماعی شرایطلرگه نسبت آرتگن ناراضی لیک نی کورسته‌دی. متخصصلر، انفلاسیون نینگ آشیشی و ساتیب آلیش قوتی نینگ کمه ییشی، بونده‌ی اعتراضلر اوچون زمینه فراهم قیلگنینی ایته دیلر.
ایتالیا حکومتی هلی بو زوروانلیکلرگه رسمی جواب کورستمه‌گن، اما مملکت نینگ بویوک شهرلریده خوفسیزلیک تدبیرلری نینگ کوچه یتیریلیشی کوتیله دی. بو حادثه لر ایتالیا و باشقه اروپا مملکت لریده اجتماعی ثبات حقیده تشویشلرنی یولگه قویگن.
مدنی فعاللر حکومت دن معترضلرنینگ طلب لریگه دقت قیلیش و بونده‌ی زوروانلیک لرنینگ تکرارلنمسلیگی اوچون اقتصادی و اجتماعی معما لرگه ییچیم تاپیشلرینی سوره‌گنلر.
منبع: رویترز
🌐
