پاکستان نینگ باش وزیر اۉرین باسری و تشقی ایشلر وزیری محمد اسحاق دار، افغانستانده برقرارلیکنی تأمینلش منطقه ده تینچلیک و برقرارلیکنی سقلش اوچون ضرور ایکنینی ایتدی.
پاکستان تشقی ایشلر وزیری بوگون (سه‌شنبه، ۲۸ میزان) تاجیکستانده گی شانگهای همکارلیک تشکیلاتی باشلیقلری ییغیلیشیده شونده ی دېدی: «پاکستان همچنان تینچ، برقرار، منطقوی همگرالیککه اېگه و آباد افغانستان نی ایسته یدی که هم اۉزی بیلن و هم قۉشنیلری بیلن تینچلیکده یاشه سین.»
او، پاکستان افغان خلقی نینگ رواجی و فراوانلیگینی قوللب قوتلش اوچون صادقانه سعی و حرکتلر قیلگنینی و بونینگ اېوَزیگه طالبان رژیمیدن فقط بیر ایسته گی بارلیگینی ایتدی: «افغانستان توپراغی پاکستان و دنیاگه قرشی تروریزم اوچون قوللنیلمسین.»
اسحاق دار قۉشیمچه قیلدی: «پاکستان منطقوی رواجلنیش و فراوانلیک نینگ اساسی بنیادی صفتیده تینچ و برقرار قۉشنیچیلیککه متعهد دیر.»
طالبان نینگ افغانستانده قیته حاکمیتگه اېریشگنیدن بویان، پاکستان خیبرپختونخوا و بلوچستان ایالتلریده خوفسیزلیک نینگ کۉزگه کۉرینرلی درجه ده یامانلشیشی و تروریستیک هجوملرگه شاهد بۉلماقده. پاکستان رسمی لری بو هجوملر افغانستان توپراغیدن فایده له نیب عملگه آشیریلیشینی ادعا قیله دی، لیکن افغانستانده گی طالبان بو ادعانی رد اېتیب، هیچ قنده‌ی گروهگه افغانستان توپراغیدن باشقه مملکتلرگه قرشی فایده لنیشگه رخصت بېرمسلیکلرینی ایته دیلر.
تروریستیک گروه لرنینگ موجودلیگی باره سیده گی تارتیشمالر بیر ییلدن بویان طالبان و پاکستان علاقه لرینی تیره لشتیرگن و ایکی تامان آره سیده گی اۉلیملی توقنشوولر و چېگره لرنینگ باغلنیشیگه سبب بۉلگن.
منبع: شانگهای همکارلیک تشکیلاتی باشلیقلری ییغیلیشی
🌐
