روسیه جمهور رئیسی ولادیمیر پوتین، مسکو نینگ ایران بحرانی نی دیپلماتیک یول لر آرقه لی حل قیلیش اوچون یاردم بېریشگه تیار ایکنینی اعلان قیلدی. او، بو بیان لرنی امریکا جمهور رئیسی دونالد ترامپ نینگ خاص ایلچیسی استیو ویتکاف بیلن اوچره شوویده بیان ایتدی.
رویترز خبر آژانسی نینگ گزارشیگه کۉره، پوتین چهارشنبه کونی، ۲۱ اکتوبر، بو اوچره شووده ایران بحرانی نی حل قیلیش اوچون دیپلماسی ظرفیتی نینگ هنوز توگه مه‌گنینی و تهران بیلن بیر کیلیشووگه اېریشیش ممکن ایکنینی تأکیدله‌گن. بو موضع، روسیه نینگ اېنگ مرّکب خلق ارا بحران لردن بیریده واسطه چیلیک رولینی اۉینه ش اوچون سعی و حرکتی نی کورسه ته دی.
روسیه جمهور رئیسی نینگ تشقی ایشلر بوییچه مصلحتچیسی یوری اوشاکوف، خبرنگار لرگه ایتدیکی، پوتین و ویتکاف نینگ اوچره شووی اوچ ساعت گه یقین دوام ایتدی. اونینگ ایتیشیچه، بو ییغیلیشده ایکّی تامان ایران بحرانی و باشقه بیر قطار موضوع لر باره سیده مفصل صحبت قیلدیلر.
اوشاکوف، روسیه نینگ ایران بحرانی اوچون سیاسی و دیپلماتیک ییچیم لر تاپیش یولیده گی سعی و حرکت لرنی دوام ایتتیریشگه تیارلیگینی اعلان قیلگنینی قۉشیمچه قیلدی. مسکو هر دایم ایران نی اۉزی نینگ بیر استراتیژیک شریکی دېب بیلیب، اختلاف لرنی صحبت آرقه لی حل قیلیشنی تأکیدلب کیلگن.
بو اوچره شوو، ایران و امریکا آره سیده گی کېسکین لیکلرنینگ هنوز یوقاری ایکنلیگی و کینگراق بیر توقنشوو نینگ آلдини آلیش اوچون دیپلماتیک سعی و حرکت لرنینگ دوام اېتیب تورگن بیر پیتده عملگه آشیریلماقده. روسیه نینگ یاردم اوچون تکلیف قیلیشی کېسکین لیکلرنی کمه‌یتیریش اوچون بیر ینги دریچه آچیشی ممکن.
روسیه نینگ بیر دنیاوی کوچ، بیرلشگن ملت لر تشکیلاتی خوفسیزلیک کینگشی نینگ دایمی اعضاسی صفتیده گی رولی و شونینگدېک ایران بیلن یقین مناسبت لری، مسکو گه هر ایکّی تامان اوچون قبول قیلینرلی بیر واسطه چی صفتیده عمل قیلیش ظرفیتینی بېره دی. لېکن، بو سعی و حرکت لرنینگ موفقیتی تهران و واشنگتن نینگ سیاسی اراده سیگه باغلیق بۉله دی.
منبع: رویترز
🌐
