افغانستان نینگ ملی و ۱۹ یاش گه چه بۉلگن کریکت تیم لری چهارشنبه کونی بنگله دېش تیم لریگه قرشی ایکّی علیحده اېلّیک آورلیک اۉینده غلبه قازاندیلر. بو ایکّی غلبه، افغانستان کریکتی اوچون بیر اونوتیلمس کون نی رقم اوردی.
بیرینچی اۉینده، افغانستان نینگ کته یاشلی ملی تیمی بنگله دېش ملی تیمی بیلن مصافگه چیقدی. بنگله دېش تیمی باشده بیتینگ قیلیب، افغانستان اوچون ۲۶۱ دوش هدف نی تعیین قیلدی. افغان اویینچی لری بیتینگ بولیمیده کوچلی بیر نمایش بیلن، بو هدف نی ۳۶- آورده فقط اوچ اویینچی نی یوقاتیب، تۉلدیریلر.
ییتّی وېکت تفاوتی بیلن بو قاطع غلبه، کیله جک مهم مسابقه لر آستانه سیده افغانستان ملی تیمی نینگ یوقاری تیارلیگینی کورستدی. بو اویینده کلیدی اویینچی لر یخشی پارله دیلر و تیم گه هدف گه آسانلیک بیلن ییتیب باریشگه یاردم بیردیلر.
ایکّینچی اویینده، افغانستان نینگ ۱۹ یاش گه چه بولگن تیمی بنگله دېش نینگ ۱۹ یاش گه چه بولگن تیمی گه قرشی میدانگه توشدی. بو مسابقه ده، افغان یاشلر تیمی باشده بیتینگ قیلیب، حریف اوچون ۲۳۷ دوش هدف تعیین قیلدی. سۉنگره یاش افغان بالر لر بیر عالی عملکرد بیلن، بنگله دېش تیمینی هدف گه ییتیب باریشدن آلدین دوردن چیقر دیلر.
افغانستان نینگ ۱۹ یاش گه چه بولگن تیمی نهایتده بو اویین نی ۴۳ دوش تفاوتی بیلن اۉز فایده سیگه توگه
تدی. بو غلبه، ۱۹ یاش گه چه بولگن دنیا جامی مسابقه لریگه تیارگرلیک کۉره یاتگن یاشلر تیمی اوچون کتّه اهمیتگه اېگه و اولرنینگ روحیه سینی کوچه
یتره دی.
بیر کونده آسیا نینگ کوچلی تیم لریدن بیریگه قرشی ایکّی مهم غلبه نی قولگه کیریتیش، افغانستان کریکتی اوچون بیر اولوغ یوتوق حیسابلنه دی و بوتون مملکت بویلب بو ورزش نینگ مینه واللریگه کۉپ شادمانلیک کېلتیردی.
منبع: اطلاعات روز
🌐
