پاکستان، ترکیه، قطر و اندونیزیا، حربی و دفاعی همکارلیک لرنی کوچه‌یتیریش اوچون مهم بیر اقدامده، «بدر پیمانی» نامیده گی بیر پیمان نینگ باشلنغیچ حجتی نی امضاله دیلر. بو پیمان، اعضا مملکت لرنینگ دفاعی صنایعی نی رواجلنتیریش و حربی ظرفیت لرینی یوقاری کۉتریش مقصدی بیلن ایجاد اېتیلگن.
ترکیه دفاع وزیرلیگی نینگ ایتیشیچه، بو حجت نینگ امضاله ش مراسمی چهارشنبه کونی قطر نینگ پایتختی دوحه ده بۉلیب اۉتدی. بو کیلیشوو نینگ اصلی مقصدی، دفاعی محصول لر ساحه سیده همکارلیکنی کینگه‌یتیریش، حربی توانایی لرنی آشیریش و تخنیکی تعلیم، تحقیق، رواجلنیش و حربی تکنالوژی بولیم لریده مشترک فعالیت لرنی کوچه‌یتیریش دیر.
بو پیمان، حربی تجهیزات تولیدی ساحه سیده هر بیر تۉرت مملکت نینگ خاص امکانات و تخصص لریدن مشترک فایده لنیش اوچون یول آچه دی. ترکیه دفاع وزیرلیگی اعلان قیلگن که، بو ابتکار اعضا مملکت لرنینگ دفاعی صنایعی ظرفیت لرینی اهمیتلی درجه ده آشیریشی کوتیله دی.
بو حجت تۉرت مملکت نینگ یوقاری مرتبه لی دفاعی مقام لری تامانیدن امضالندی: پاکستان دفاع وزیری خواجه آصف؛ اندونیزیا دفاع وزیرلیگی اۉرین باسری یوسف جوهری؛ ترکیه دفاع وزیری یاشار گولر؛ و قطر نینگ دفاع ایشلری بوییچه دولت وزیری سرپرستی شیخ سعود بن عبدالرحمن آل ثانی.
ترکیه دولتی تلویزیونی گزارش بېرگن که، بو کیلیشوو نامه فقط اعضا مملکت لر آره سیده اۉز ارا ایشانچ نی کوچه یتیریب قالمه ی، بلکه خلق ارا سویه ده ترکیه نینگ دفاعی صنعتی نینگ جایگاهی نی مستحکم لشده هم کتّه حصه قۉشه دی.
بو تۉرت تامانلمه همکارلیک، منطقه و دنیاده گی ژئوپلیتیک اۉزگریشلر مملکت لرنی ینги اتحاد لر ایجاد قیلیش و اۉز دفاعی توانمندلیک لرینی کوچه‌یتیریش تامان سوق قیله یاتگن بیر زمانده یوز بیرماقده. بدر پیمانی منطقه ده بیر ینги و تأثیرلی دفاعی بلوک ایجاد قیلیشی ممکن.
منبع: ترکیه دفاع وزیرلیگی
🌐
