سوداگرلرنینگ ایتیشیچه، پاکستان و ایران اۉرته‌سیده‌گی ایکی اساس چېگره اۉتیش یۉلی نینگ یاپیلیشی، پاکستانگه سوئیقلشتیریلگن پترول گازی (LPG) وارداتینی تۉخته تیب، مملکتده کمچیلیک و نرخلرنینگ آشیب کېتیشیگه سبب بۉلگن.
گبد-ریمدان و تفتان اۉتیش یۉللری ۱۷ اکتوبر (۲۶ میزان)ده یاپیلدی. پاکستان و ایران بو اقدام اوچون فرقلی دلیللرنی ایلگری سورگن. اوشبو اۉتیش یۉللری پاکستان نینگ بلوچستان ولایتیده جایلشگن.
بلوچستان حکومتی، بو موقت یاپیلیش نینگ سببینی امنیتی خواطرلرنی برطرف اېتیش و قاچاقچیلیکنی تۉختیش دېب بیان قیلگن. عکسینچه، ایران نینگ تشقی ایشلر وزیرلیگی تخنیکی مشکل لرنی بو اقدامگه دلیل قیلیب کۉرسه‌تگن.
چېگره لرنینگ یاپیلیشی پاکستان نینگ انرژی بازاریده تۉغریدن-تۉغری تأثیر قۉیگن. پاکستان اۉز LPG احتیاجی نینگ مهم بیر قسمینی ایران دن قوروقلیک یۉلی آرقه لی وارد قیلیش بیلن تأمینله‌یدی. بو واردات نینگ تۉخته ب قألیشی، بازارده تېزلیک بیلن عرضه نینگ کمه یشی و نتیجه‌ده مصرفچی لر اوچون نرخلرنینگ آشیب کېتیشیگه آلیب کیلگن.
پاکستانده‌گی LPG سوداگرلری، اگر چېگره لر تېزلیک بیلن آچیلمسه
، گاز کمچیلیگی بحرانی، خصوصاً قیش موسومی یقینلشگنی و ایستیتیش اوچون طلب نینگ آشیشی بیلن، ینه ده یامانلشیشیدن خبردار قیلگن.
بو وضعیت، پاکستان نینگ انرژی تأمیناتی زمینه‌سیده‌گی ضعیفلیگی و چېگره آشه سودا یۉللریگه باغلیقلیگینی کۉرسه ته‌دی. بو یللردگی هر قنده‌ی توختلیش، مملکت اقتصادی و خلق نینگ کونده‌لیک حیاتیده تېز تأثیر قیلیشی ممکن. حاضرده، ایکی مملکت رسمی لری اۉرته‌سیده بو مشکلنی حل قیلیش و چېگره لرنی قَیته آچیش اوچون مذاکره لر دوام اېتماقده.
منبع: Reuters
🌐
