پاکستان اردوسی یکشنبه کونی اعلان قیلدی کی، خیبرپختونخوا ایالتی نینگ دیره اسماعیل خان منطقه سیده خوفسیزلیک کوچلری نینگ عملیاتی جریانیده، آلتی جنگری و ایکی عسکر اۉلدیریلگن. اردوگه کۉره، اۉلدیریلگن جنگریلر پاکستان تحریک طالبان (تی تی پی) اعضالری ایدی.
پاکستان اردوسی، اۉلدیریلگن آلتی جنگری نینگ هندستان حمایتیگه ایگه بولگنینی و بو مملکتده خوفسیزلیک کوچلری، پولیس و ملکی اهالیگه قرشی کۉپلب هجوملرده قۉلی بولگنینی ادعا قیلگن.
اردو، «عزم استحکام» ناملی تروریزمگه قرشی کوره ش برنامه‌سی چارچوبه‌سیده قوراللی گروهلرگه قرشی عملیاتلرنی دوام ایتتیریشینی تأکیدله‌گن. بو عملیات، سونگگی آیلرده خیبرپختونخوا ایالتیده جنگریلرنینگ هجوملری کوپه یگن بیر پیتده بولیب اوتگن.
پاکستان نینگ منازعه و خوفسیزلیک تدقیقاتلری موسسه‌سی نینگ آمارلریگه کۉره، جاری ییل نینگ اسد آییده، خیبرپختونخوا نینگ تورلی قسم لریده ۵۴ هجوم ثبت ایتیلگن. بو رقم سرطان آییده ۳۶ هجوم ایدی کی، بیر آی ایچیده هجوملرنینگ ۵۰ فایز کوپه یگنینی کورسه ته دی.
پاکستان نینگ تحقیقات و خوفسیزلیک تدقیقاتلری مرکزی نینگ گزارشیگه کۉره، بو مملکتده زوروانلیک قربانلری سانی جاری میلادی ییل نینگ اوچینچی چاریگیده، ایکینچی چاریگگه نسبت ۸۳ فایز کوپه یگن.
بو گزارش کورسه تیشیچه، خیبرپختونخوا و بلوچستان ایالتلری اینگ کۉپ زوروانلیکنی تجربه قیلگن و بو دورده زوروانلیک قربانلری نینگ ۹۸ فایزی بو ایکی ایالتده ثبت ایتیلگن.
منبع: پاکستان اردوسی
🌐
