سعودی عربستان، ۳۷۰ میلیون باله نی باله لر فلجیگه قرشی محافظت قیلیش اوچون اوتگن ییلی جهان ساغلیق نی سقلش تشکیلاتی و بیرلشگن ملت لر تشکیلاتی نینگ باله لرنی قۉللب قوتلش ساندوغی (یونیسف) بیلن توپلمی ۵۰۰ میلیون دالرگه یېته دیگن ایکی کیلیشوو امضاله‌گنینی اعلان قیلدی.
سعودی عربستان نینگ رسمی خبر آژانسی یکشنبه کونی، ۳ عقرب ده، باله لر فلجیگه قرشی کوره ش خلق ارا کونی مناسبتی بیلن، بو مملکت نینگ اوشبو کسللیکنی یوق قیلیش اوچون اۉز سعی و حرکتلری نینگ دوامیگه تاکیدله‌گنینی خبر بېردی. بیرینچی کیلیشووگه اساسن، ۳۰۰ میلیون دالر جهان ساغلیق نی سقلش تشکیلاتی نینگ یوقاری خطرلی مملکتلرده، اینیقسه افغانستان و پاکستانده گی برنامه‌لرینی حمایت قیلیش اوچون اختصاص بېریلگن.
بو یاردملر ملک سلمان یاردم و بشردوستانه یاردم مرکزی آرقه لی، واکسیناسیون برنامه‌لرینی ایلگری سوریш، ساغلیق آگاهلیگینی آشیریش و محتاج مملکتلرده درمانی خدمت‌لرنی کوچه‌یتیریش اوچون اختصاص بېریلگن.
بو یاردملر، افغانستان نینگ باله لر فلجیگه مبتلا مملکتلر آره سیده یوکاریده قرار تاپگن بیر پیتده اعلان قیلینماقده. افغانستان و پاکستان، وحشی پولیو ویروسی حاضرگچه یوق قیلینمه‌گن دنیا نینگ یگانه ایکی مملکتی دیرلر.
جهان ساغلیق نی سقلش تشکیلاتی نینگ آمارلریگه کۉره، جاری میلادی ییل باشیدن بویان افغانستانده بو کسللیک نینگ ۴۲ واقعه‌سی و پاکستانده آلتی واقعه‌سی ثبت ایتیلگن. بو، ۹۵۰ فایز کوپه ییشنی کورسه ته‌دی.
عین پیتده، طالبان ۱۴۰۳-ییلدن باشلب اوی مه اوی واکسین قیلیشنی توخته‌تگن؛ بو اقدام، باله‌لرنینگ واکسینگه ایریشیشی حقیده‌گی تشویشلرنی کوپه یتیرگن.
منبع: سعودی عربستان رسمی خبر آژانسی
🌐
