بیرلشگن ملت لر تشکیلاتی (بمت) خاتین-قیزلر بۉلیمی اجرایی مدیری اورینباسری، نایارادزایی گومبونزواندا، افغانستان نینگ «دنیا بۉйиچه خاتین-قیزلر حقوقی نینگ اینگ آغیر بحرانی» بیلن یوزمه-یوز ایکن لیگیدن آگاهلنتیردی. او بو سۉزلرنی دوشنبه کونی، ۴ عقرب ده، نیویارک ده گی بمت قرارگاهیده خاتین-قیزلر، تینچلیک و خوفسیزلیککه عاید ییغیلیشده بیان ایتدی.
خانم گومبونزواندا افغانستانده گی خاتین-قیزلر وضعیتی دن چوقور خواطر بیلدیررکن ایتدی: «افغانستانده، قیزلر حیاتلرینی اۉзگرتیریشی ممکن بۉلگن تعلیم دن محروم قیلینماقده لر.» او تینچلیک جریانلریده خاتین-قیزلرنینگ حیاتی رولی و مذاکره لرده اولرنینگ اشتراکی ضرورتیگه تأکید قیلدی.
بمت نینگ اوشبو مقامی قۉشیمچه قیلدی که، اوروشلر آلدینگیدن کۉره خاتین-قیزلر اوچون «کۉپراق اۉلیملی» بۉلگن. اونینگ ایتیشیچه، اۉتگن ییلی قوراللی توقنشوولرده ۳۷ مینگدن آرتیق تینچ اهالی هلاك بۉلگن که، اولرنینگ تۉرتدن بیری خاتین-قیزلر اېدی. او دنیا بو آغریقلرگه قرشی بی تفاوت قالمه سلیگی کېره کلیگینی آگاهلنتیردی.
تقدیم ایتیلگن آمارلرگه کۉره، ۷۵۰ میلیون دن آرتیق خاتین-قیز فعال توقنشوولر منطقه لریدن ۵۰ کیلومتر مسافه ده یشماقده و هر کونی کмида ۲۵ خاتین-قیز اۉلدیریلماقده. خانم گومبونزواندا شونینگدېک اوروش نینگ ساغلیق خذمتلریگه تأثیریگه اشاره قیلیب، غزه وضعیتی نی مثال قیلیب، شفاخانه لرنینگ ویران بۉلیشی تیریک توغیلگن چقه
لاقلر سانی نینگ ۴۱ فایز کمَییشیگه و سقط جنین نینگ ۳۰۰ فایز آртиشیگه سبب بۉلگنینی ایتدی.
او شونینگدېک توقنشوولر بیلن باغلیق جنسی زوروانلیکلر آرتگنیدن خواطر بیلدیردی و بمت نینگ ۲۰۲۵- ییلده بو تورده گی زوروانلیک نینگ ۹،۷۸۸ موردینی تأییدلگنینی معلوم قیلدی. اونینگ ایتیشیچه، اوشه ییلده خاتین-قیزلر ۵۷ تینچلیک جریانی نینگ فقط بیش فایزینی تشکیل ایتگنلر.
افغانستانده، طالبان حکومتی نینگ قیته قدرت گه کېلیشی آرتیدن، خاتین-قیزلر تعلیم، ایش و اجتماعی حیاتده اشتراک ایتیش کبی اساسی حقوقلریدن محروم ایتیلگن. کینگ-کۉلملی چیکلاولر اولرنی اجتماعی، اقتصادی و سیاسی ساحه لردن چېتده قالدیرگن.
منبع: بیرلشگن ملتلر تشکیلاتی
🌐
