بدخشان ولایتی نینگ چېگره حدودلریده گی منطقه لر یشاوچیلری، ساغلیقنی سقلش مرکز لری نینگ جدی کمچیلیگی، متخصص داکترلر یوقلیگی و داروگه محدود قول یېتیشتیریشدن شکایت قیلیشماقده. اولرنینگ ایتیشلریچه، امکانات یوقلیگی سببلی کسللر آغیر خرجتلرنی کۉتاریب درمان اوچون تاجکستان گه سفر قیلیشگه یا-ده اۉз کېسلی بیلن یشه شگه مجبور بۉلماقده لر.
محلی اهالی نینگ سۉزلریگه کۉره، قیین یۉللر و مناسب ترانسپورت نینگ یوقلیگی، ساغلیق خذمتلریگه قول یېتیشتیریشنی مشکل لشتیرگن و بعضاً کسللر شفاخانه گه یېتیب باریشدن آلدین جان بېرماقده لر. بدخشان یشاوچیلریدن بیری بۉلگن رازق نینگ ایتیشیچه، بو ولایت نینگ ۲۸ اولسوالیسی نینگ کۉپچیلیکی دارو و درمان مرکز لری یوقلیگی بیلن روپه ره دیر.
او قۉشیمچه قیلدی: «درواز نینگ بیش اولسوالیسی یۉل سیز و بعضی منطقه لرده بیر درمان مرکزی فقط بیر نرس گه اېگه و دارو هم یوق. ایکی ییل آلدین، کران و منجان اولسوالیسیده ۱۷ آنه شفاخانه و مناسب یۉل یوقلیگی سببلی حیاتدن کۉз یومگن.»
بو وضعیت دن اینیقسه خاتین-قیزلر و باله لر کۉپراق ضرر کۉرماقده. باشقه بیر یشاوچی، عایشه نینگ ایتیشیچه، خاتین-قیزلر حتا اساسی بهداشت واسطه لریگه هم قول یېتکزه آلمیدیلر. اونینگ سۉزلریگه کۉره، کمبغل عایله لر درمان و یۉل کیره نینگ آغیر خرجتلرینی تۉلشگه قادیر اېمس و درماندن محروم قالماقده لر.
بو معمالر قیشده قار یاغیشی سببلی یۉللرنینگ باغلنیشی بیلن شدت لنیب، حامله آنه لر حیاتینی جدی خطرگه قۉیماقده. نازنین اسملی بیر یشاوچی نینگ ایتیشیچه، حتا ولایت مرکزی فیض آبادده هم داکترلر، خصوصاً خاتین داکترلر نینگ یوقلیگی بیر کتّه مشکل دیر.
بو بیرحالده که، اۉتگن آی بدخشان یشاوچیلری، ساغلیق خذمتلرینی تقدیم ایتیش مسئولیتی نی اۉз اوستیگه آلگن «سنایی توسعه ای سازمانی» نینگ ضعیف فعالیتی دن جدی تنقید قیلگن اېدیلر. ۸صبح روزنامه سی بیلن صحبتده بعضی منبعلر اوشبو موسسه مسئوللرینی امکاناتلردن سوءاستفاده قیلیش و محلی طالبان رسمی لری بیلن یقین علاقه لرگه اېگه لیکده عیبلگن اېدیلر.
منبع: محلی خبرلر
🌐
