کتته یېتتیلیک (G7) اعضا مملکتلری یاقیلغی بهاسی نینگ اۉسیشی و انرژی تەمیناتیده گی اوزولیشلرگه قرشی کوره شیش اوچون اۉز استراتیژیک ذخیره لریدن ۱۰۰ میلیون بشکه خام نفت و دیزل آزاد قیلیشگه کیلیشیب آلدیلر. بو قرار امریکا قۉشمه ایالتلری نینگ باسیمی آرتیدن و ایران اوروشی نینگ دنیا انرژی بازارلریگه تأثیریگه جواب اوله‌راق آلینگن.
کتته یېتتیلیک رهبرلری جمعه کونی ۱۰ میزان ده، بیر ویدیو کنفرانسدن سۉنگ، بو اقدام نینگ تیزلیک بیلن و خلق ارا انرژی آژانسی بیلن هماهنگ شکلده باشلنیشینی و تۉرت آی دوام اېتیشینی اعلان قیلدیلر. دیزل ذخیره‌لری نینگ مهم بیر قسمی بهاگه تیز تأثیر قیلیش اوچون ایلک ۲۰ کون ایچیده بازارگه کیریتیلیشی ریجه‌لنگن.
رویترز خبر آژانسی نینگ گزارشیگه کۉره، دونالد ترامپ حکومتی آلدین فرانسه و آلمان دن اۉز عاجل دیزل ذخیره‌لرینی آزاد قیلیشنی سۉره‌گن و اگر همکارلیک قیلمسه‌لر، امریکا نینگ اروپاگه دیزل صادراتینی چېکله ش بیلن تهدید قیلگن اېدی. اروپا سۉنگگی ییللرده امریکا دن وارد بۉله‌دیگن دیزلگه کۉپراق باغلیق بۉلیب قالگن.
ترامپ هم جمعه کونی «تروت سوشل» اجتماعی ترماغیده اروپالی مملکتلر «کتته مقدارده» دیزل ذخیره‌لرینی آزاد قیلیشگه راضی بۉلگنلرینی تصدیقله‌دی. آلدینراق، اروپا اتفاقی اعضالری فرانسه نینگ اروپا ذخیره لریدن ۵۰ میلیون بشکه دیزل و خلق ارا انرژی آژانسی اعضالری ذخیره لریدن ۵۰ میلیون بشکه خام نفت آزاد قیلیش تکلفینی کۉریب چیققن اېدیلر.
دنیا بۉیلب دیزل تەمیناتی سۉنگگی آیلرده ایران اوروشی، روسیه نینگ نفتی محصولات صادراتینی چېکله شی و چین نینگ یاقیلغی صادراتینی تۉخته تیشی کبی عامللر سببلی کمچیликکه دوچ کیلگن. کتته یېتتیلیک قراری اعلان قیلینگندن سۉنگ، امریکا و اروپا بازارلریده دیزل بهاسی توشدی.
منبع: رویترز
🌐
