ایوشمن کهرانه نینگ «اوتا تیر» ناملی ینگی جاسوسلیک و کمدی فلمی ۱ نوامبرگچه دنیا مقیاسیده ۶۱ کرور روپیه‌لیک ساتیشدن اۉتدی. تماشاچیلر تامانیدن یخشی کوتیب آلینگن بو فلم، اکران نینگ ایکّینچی هفته‌سیده تیزلشدی.
هند رسانه‌لری نینگ گزارشیگه کۉره، یکشنبه کونی فلم نینگ ساتیلیشی شنبه گه نسبت تقریباً ۹ فایز آشیب، فقط او کونده هندده ۴.۳۵ کرور خالص روپیه ساتگن. بو فلم اکران نینگ ایلک اون کونیده هندده ۴۲.۱۰ کرور روپیه و مملکت تشقریسیده ایسه باشقه ۱۱.۲۵ کرور روپیه ساتگن.
«اوتا تیر» نینگ هندده‌گی بیرینچی هفته‌لیک ساتیلیشی ۳۰.۹۰ کرور روپیه‌گه ییتگن اېدی که بو کوچلی بیر باشلنیشنی کۉرسته‌دی. فقط اکران نینگ اونینچی کونیده، بو فلم خلق ارا بازارلرده ۷۵ لک روپیه ساتیش بیلن اونینگ دنیا بۉییچه عمومی ساتیلیشینی تقریباً ۶۱.۵۰ کرور روپیه‌گه ییتکزدی.
بو فلمده ایوشمن کهرانه کیملیک بحرانی بیلن کوره شه‌یاتگن بیر پاکستانی جاسوس رولینی اۉینه‌یدی. اونینگ یانیده سارا علی خان و راهول بوس هم رول آلگنلر.
بو فلمده‌گی اکشن و کمدی نینگ عجیب بیریکمه‌سی تماشاچیلر بیلن آچیق-آیدین علاقه قوریشگه موفق بۉلگن و اونینگ گیشه‌ده‌گی موفقیتی بو موضوعنی تصدیقلیدی. «اوتا تیر» نینگ موفقیتی، کهرانه نینگ بالیوود نینگ ایشانچلی یولدوزلریدن بیری صفتیده مقامینی مستحکملیدی که اۉزگه داستانلر بیلن تماشاچیلرنی جلب قیلیش قابلیتیگه ایگه.
بو فلم غیرعادی داستانی و اویینچیلر نینگ کوچلی اجرالری اوچون تنقیدچیلر تامانیدن هم مثبت بهالر آلگن.
منبع: هند رسانه‌لری
🌐
