تانیقلی افغان کارگردان شهربانو سادات، توکیو خلق ارا فلم جشنواره‌سیده، عیاللرنینگ سینما صنعتیده چوقور ساختاری تبعیضگه دوچ کېلیشینی ایتدی. او عیال فلم سازلر اوچون بودجه کم‌لیگی و مالی تأمینات نهادلری نینگ خبرسیزلیگینی بو تېنگسیزلیک نینگ اساسی عامللری دیب بیله‌دی.
حاضرده جرمنیده یشه‌یاتگن خانم سادات، «عیاللر سینماسی نینگ کېله جگی» دیگن عنوان آستیده‌گی بیر ییغیلیشده، عیاللرگه قرشی تبعیض نینگ فلملرنی رواجلنتیریش و بودجه تأمینلش نینگ باشلنغیچ باسقیچ لریدن باشلنیشینی ایتدی. او افغانستانده فلم سازلیک تۉسیقلریگه اشاره قیلیب ایتدی: «بیر گروه قری ایرککلردن تشکل تاپگن بیر فرهنگی مافیا موجود که سیز بیر عیال صفتیده هرگز اونگه کیره آلمه یسیز.»
بو افغان کارگردان نینگ قۉشیمچه قیلیشیچه، عیاللر ایرککلر بیلن تېنگ فرصتلر و امتیاز لرگه ایگه بۉلیش اوچون، کۉپینچه مجبوراً سازش و تسلیم بۉلیشلری کېره ک. او سینمایی فعالیتینی دوام ایتتیریش اوچون، اروپا فلم سازلیک صنعتی بیلن همکارلیک یۉلینی تۉتگنینی، لیکن او ییرده هم سینما نینگ مالی تأمینات نظامیده تېنگسیزلیککه روپه‌رو ایکنینی بیان قیلدی.
خانم سادات ایتدی: «افغانستانده فلم سازلیک جرم دیر. اروپا ده وضعیت بو قدر آغیر ایمس، لیکن تبعیض بنیادی دیر و اۉز نظام ایچیده موجود.»
بو ییل ونیز فلم جشنواره‌سی نینگ مسابقه بۉلیمی هیئت داورلری عضوی بۉلگن شهربانو سادات، بو رقابتده عیاللرنینگ کم حضوری اوستیده تنقید قیلدی. اونینگ سۉزلریگه کۉره، ونیز مسابقه‌سیده‌گی ۲۰ فلم اورته‌سیده، فقط بیر فلم بیر عیال کارگردان تامانیدن ایشلنگن اېدی که نهایتده شو فلم جشنواره نینگ اساسی جایزه‌سی، آلتین شیرنی قولگه کیریتدی.
او قۉشیمچه قیلدی: «عیال کارگردانلرگه یامان فلم ایشلشگه رخصت بېریلمه‌یدی.» سادات نینگ ایشانچیگه کۉره، عیال فلم سازلر هم ایرککلر کبی تجربه قیلیش و حتی خطا قیلیش فرصتیگه ایگه بۉلیشلری کېره ک، حال بوکه اولردن نقص سیز بۉلیشنی کوتیش، اولرنینگ حرفه‌ای فعالیتلریگه کۉپراق باسم وارد قیله‌دی.
منبع: رسانه‌لر
🌐
