خوست ولایتیده‌گی محلی منبعلر نینگ معلوم قیلیشیچه، اوشبو ولایت مرکزی‌ده یېر اوستی‌ده یوز بېرگن تۉقنه‌شووده بیر یاش ییگیت هلاک بۉلیب، باشقه ایکّی کیشی یره‌لنگن.
منبعلر گه کۉره، بو حادثه پنج‌شنبه کونی ۱۴ عقرب آقشامی، خوست مرکزی بۉلگن متون حدودیده‌گی کوریانو قیشلاغی یشاووچیلری اۉرته‌سیده صادر بۉلگن.
معلوماتلرگه اساس، بو تۉقنه‌شووده فیض‌الله اېسملی ۲۹ یاشلی ییگیت جان بېرگن، اونینگ آته‌سی و آغه‌سی اېسه آغیر تن جراحتی آلیب، شفاخانه‌گه یېتکزیلگن.
خوست ولایتیده‌گی طالبان حکومتی نینگ محلی رسمی‌لری بو قاره‌لیق واقعه همده بو بۉییچه عیبدارلر نینگ قولگه آلینیشی باره‌سیده حاضرگه‌چه رسمان هیچ نرسه دیمه‌گن.
مملکت ولایتلری نینگ کۉپینچه‌سیده یېر ملکیتی و حقوقی دعوالر طفیلی بو کبی اۉلیملی تۉقنه‌شوو رواجلنگن. اهالی و ایش‌بیلرمانلر دعوالرگه اۉز وقتیده و عدالتلی یېچیم تاپیلمه‌سلیگینی شونده‌ی قوراللی توقنه‌شوو سببچیسی بېله‌دیلر.
منبع: محلی منبعلر
🌐
