بریتانیاده گی ۲۸ یاشلی افغان پناه ایزلاوچی داوود صافی، بیر کیشی نی پیچاق بیلن اۉلدیرگنیدن سۉنگ، بیر روحی کسل لیکلر شفاخانه سیده نامعلوم مدتگه یاتقیزیلیشگه حکم قیلیندی. محکمه قاضی سی، صافی نینگ هجوم پیتیده «روان پریشی» یا روحی کسل لیکدن اذیت چېکیتگنی نی ایتیب، اونینگ بریتانیادن چیقاریلیشینی توصیه قیلدی.
صافی اوتگن ییل عقرب آیی نینگ ۵ کونیده آلدین اوی ایگه سیگه هجوم قیلگن و سۉنگره کوچه ده ایتی بیلن پیاده یورگن بیر ۴۹ یاشلی کیشیگه هجوم قیلیب، اونی ۱۴ مرته پیچاق اوریب اۉلдирگن. ایلینگ منطقه سی شوراسی اوچون ایشله یدینگن قربانی، جراحتلری عاقبتیده جان بېرگن. بو هجومده بیر ۱۴ یاشلی اۉسمیر هم یره لنگن.
محکمه ده ایتیلیشیچه، صافی نینگ روحی وضعیتی هجومدن آلدین جدّی یامانلشگن و او عایله اعضالری اوزیگه قرشی توطئه قیلیاتگنینی تصور قیلگن. دادستان، قربانی نینگ تصادفی روشده او جای دن اوتیب بارگنینی و اولر اورته سیده هیچ قنده‌ی آلدینگی خصومت بولمه گنینی ایتدی.
قربانی نینگ عایله سی صافی نینگ قتل عیبلاوی بیلن محاکمه قیلینیشینی ایسته‌گن، لیکن دادستانلیک طبی شواهدگه اساسلنیب، اونینگ جنایی مسؤلیت نینگ کمه ییشی سببلی غیر عمدی قتلگه اعترافینی قبول قیلدی.
صافی شونینگدېک اوی ایگه سینی اۉلدیریشگه اورونیش، ۱۴ یاشلی اۉسمیرنی یره له ش و منع اېتیلگن سلاحنی آلیب یوریشگه هم اعتراف قیلدی.
تقدیم ایتیلگن معلوماتلرگه کۉره، صافی ۲۰۲۰ ییلیده اۉزینی ۱۷ یاشلی دیب تانیتیب بریتانیا گه کیرگن و ۲۰۲۲ ییلیده پناهنده لیک آلگن.
منبع: بریتانیا محکمه سی گزارشلری
🌐
