اورته آسیا دولتلری نینگ ییتکچیلری و اردن پادشاهی ینگی تیکنالوژیلر نینگ خوفسیزلیک خطرلری و ترورچیلیکده سونی عقلدن فایده‌لنیشگه قرشی کوره‌شیش مقصدی بیلن قزاقستان پایتاختی آستانه شهریده ییغین اوتکزماقده‌لر.
قزاقستان و اۉزبېکستان جمهورلیک ریاستی نینگ رسمی بیاناتلریگه کۉره، اوشبو ییغین قزاقستان جمهور باشلیغی قاسم‌جومارت توکایف و اردن پادشاهی ملک عبدالله دوم نینگ بیرگه لیکده‌گی تکلیفی بیلن تشکیل قیلیندی و ایککی رهبر اونگه هم‌ریاستلیک قیله‌دی.
اۉزبېکستان جمهور باشلیغی شوکت میرضیایف، تاجیکستان جمهور باشلیغی امامعلی رحمان و تورکمنستان جمهور باشلیغی سردار بردی‌محمداف اوشبو ییغیندا قتنه‌شیش مقصدیده آستانه شهریگه باریشگن.
ییغین نینگ اساسی موضوعسی، سونی عقل ساحه‌سیده خوفسیزلیکنی تأمینلش، ترورچیلیک و تندرو مقصدلر اوچون اوندن فایده‌لنیش نینگ آلدی اولینیشی همده منطقوی همکارلیکلرنی کوچه‌یتیرش بولگن.
بو برنامه اورته آسیا حدودیده تشکیل قیلینگن «عقبه تشبثی» دایره‌سیده‌گی ایلک رسمی ییغین حسابلنه‌دی. عقبه تشبثی ۲۰۱۵-ییلده اردن پادشاهی تامانیدن ترورچیلیککه قرشی کوره‌ش بویچه تشکیلاتلشتیریلگن ایدی.
ییغین اشتراکچیلری منتقه‌ده‌گی خوفسیزلیکنی مستحکملش و راوجله‌نیب باره‌یاتگن تیکنالوژیلر نینگ تهدیدلریگه قرشی بیرلیکده کۉره‌شیش تدبیرلرینی محاکمه قیله‌دیلر.
منبع: قزاقستان و اوزبیکستان جمهور باشلیغی ریاستی نینگ رسمی بیاناتلری
🌐
