فرانسه دن یاورپا پارلمانی اعضاسی منیر ستوری، افغان کډواللرنی قیته ریب یوباریش مقصدیده طالبان بیلن مذاکره قیلیش یاورپانینگ دموکراتیک اصولیگه ضد ایکنینی بیلدیردی. او بو سوزلشوولرنی یاورپا بیرلیگی نینگ رسمی موقفیگه قره مه-قرشی دېب اتَدی.
یوروپ اکولوژی منبعسی آرقه لی نشر قیلینگن مقاله ده ستوری، بو اۉزگریش یاورپا بیرلیگی کینگشیده تیکشیریلمه گنینی و پارلمان تامانیدن هم تصدیقلنمه گنینی قید ایتدی. اونینگ بیلدریشیچه طالبان کډواللرنی قبول قیلیش اوچون ایلچیخانالرنی ایگللش و مالی یاردم سورامقده دیر.
او کډواللیککه قرشی فکرلر یالغوز راستگرالر ایچیده ایمس، بلکیم دنمارک و آلمان حکومتلریده هم کوچه‌ییب بارگنینی و بونینگ عاقبتیده یاورپا کمیسیونی اساسی حقوقلرنی بوزیاتگنینی تأکیدله دی.
یاورپا پارلمانی اعضاسی بو ایش کیله جکده روسیه و ایران حکومتلری بیلن هم بوندای معامله لرنی یولگه قو‌ییشی ممکنلیگینی بیلدیریب، بو یانداشوو نهایت دره جه ده ضدییتلی ایکنینی یازدی.
ستوری بیرلشگن ملتلر تشکیلاتی نینگ راپورچیسی ریچارد بنت قتنَشگن ییغینیده افغانستانده آیاللر وضعیتی و اینیقسه بشری بحران اینگ یامان احوالده ایکنی تصدیقلنگنینی ایسله تیب اوتدی.
او ۲۰۲۳ ییلدن بویان ایران و پاکستاندن ۶ میلیون افغان مجبوری چیقاریلگنینی بیلدیریب، یاورپادن هم پناه طلب قیلووچیلرنی بحرانلی اولکه گه قیته ریش مسؤلیتسیزلیک و اینسانیلیککه توغری کیلمه یدیگن حرکت دیر دېب تأکیدلَدی.
منبع: یوروپ اکولوژی
🌐
