امریکا قۉشمه ایالتلری ایران نینگ قۉشنی مملکتلری همکارلیگیده بو مملکت نینگ قوروقلیک سودا یۉللریگه چیکلاو و نظارت کیریتمایچی. واشنگتن نینگ مقصدی ایران آرقه‌لی قورال-یاراق، حربی جهازلر و تحریم آستیده‌گی نرسه‌لر ترقه‌لیشی نینگ آلدی اولیش دیر.
خبرلرگه کۉره، واشنگتن ایران بیلن چېگره‌داش اۉلکه‌لر بیلن همکارلیک قیلماقچی و ناقانونی حربی یوکلر ترانزیتینی تۉخته‌تیش اوچون چېگره نظارتینی کوچه‌یتیریشگه اینتیلماقده.
ایران نینگ ییتی قوروقلیک قۉشنی‌سی ارا افغانستان امریکا نینگ اوشبو ریجه‌سی بیلن همکارلیک بۉلیشیدن استثنا قیلیندی. بونینگ اصلی سببی واشنگتن بیلن طالبان حکومتی اۉرته‌سیده‌گی چیگلانگن علاقه‌لر دیر.
بیلدیریلیشیچه، امریکا مرکزی قوماندانلیگی (سنتکام) بو لایحه‌نی عملی قیلیش اوچون «ایرن گیت» ناملی مخصوص ایشچی گرپ تشکیل قیلگن. اوشبو گرپ قوروقلیک یۉللرینی کۉزه‌تیش ایشلرینی باشقره‌دی.
ایران کۉپلب قۉشنی مملکتلر بیلن ییریک قوروقلیک چېگره‌لریگه ایگه و اونینگ ترانزیت یۉللری منطقه‌ده اساسی اهمیتگه ایگه دیر. بو نظارتلر منطقه‌وی تجارتقا هم اۉز تعثیرینی اۉتکزه‌دی.
واشنگتن بو اقداملرنی ایران بیلن بۉلگن اسکی کیلیشماوچیلیکلر و خلق‌ارا تحریملر کۉپه‌یگن بیر پیتده ره‌اه‌اندازی قیلماقده.
منبع: اۉمومرسانه‌لر
🌐
