د نوي زیلاند ویکټ ساتونکي او توپوهونکي ټیم سایفرټ د هند پر وړاندې په څلورمه یو ورځنۍ لوبه کې د چټکې نیمه سلیزې په جوړولو سره یو ۲۷ کلن تاریخي ریکارډ مات کړ.
د سپورټي رسنیو د راپورونو له مخې، سایفرټ د جمعې په ورځ د نومبر په ۱۳مه د ماونټ مونګانوي په بای اوول لوبغالي کې د پیل پر مهال په ۴۸ توپونو ۵۸ منډې جوړې کړې. هغه په خپلې دې لوبه کې شپږ څلوریزې او درې شپږیزې ووهلې.
نوموړي خپله لومړنۍ یو ورځنۍ نیمه سلیزه په ۳۹ توپونو بشپړه کړه، چې دا په یو ورځنیو سیالیو کې د هغه تر ټولو لوړ ریکارډ ګڼل کېږي. هغه له خپل بل ملګري ویل یانګ سره په ۱۲ اوورونو کې د لومړۍ ویکټې لپاره ۸۵ منډې جوړې کړې.
سایفرټ د لسم اوور په دویم توپ د یوې منډې په اخیستو سره خپلو پنځوسو منډو ته ورسېد. په دې سره هغه د نوي زیلاند لومړنی لوبغاړی شو چې د هند پر وړاندې د یوې ۵۰ اووره لوبې په لومړیو لسو اوورونو کې نیمه سلیزه جوړوي.
له دې وړاندې د نوي زیلاند تر ټولو لوړې منډې په لومړیو لسو اوورونو کې براین یانګ کړې وې، چې د ۱۹۹۹ کال د جنوري په ۱۴مه یې په ویلینګټن کې په ۳۵ توپونو ۴۷ منډې جوړې کړې وې.
ټیم سایفرټ چې د هند په غوره لیګ کې د کلکتې نایټ رایډرز لپاره هم لوبیږي، په دې کارنامې سره د کرکټ په تاریخ کې یو نوی ریکارډ ثبت کړ.
سرچینه: سپورټي رسنۍ
🌐
