طالبان حکومتی اۉزلری نینگ «امربالمعروف و نهی عن‌المنکر قانونی»نی افغانستان بویلب برچه دولتی و خصوصی بیلیم یورتلری نینگ تدریسی برنامه‌سیگه قۉشگن. ایکّی باخبر منبع جمعه کونی، ۲۲ عقربده ۸صبح روزنامه‌سیگه بو بویروغ طالبان رهبری ملا هبت‌الله آخوندزاده تامانیدن بېریلگنینی ایتگنلر.
معلوماتلرگه کۉره، بو قانوننی اۉقوو نصابیگه کیریتیش قراری آلتی آی آلدین قبول قیلینگن بۉلسه-ده، اونینگ عملی باسقیچلری یېقین‌ده قندهار و باشقه ولایتلرده باشلنگن. طالبان نینگ عالی تحصیلات وزیری ندامحمد ندیم بیلیم یورتلریگه اوشبو قانوننی چپتر شکلیده اۉقیتیش بویراغینی بېرگن.
منبعلر نینگ معلوم قیلیشیچه، عالی تحصیلات و امربالمعروف وزیرلیکلری محصللرگه اوشبو قانوننی تانیشتیریش مقصدی بیلن تورلی سمینارلر اۉتکزیب باشله‌گنلر.
بیلدیریلیشیچه، بو سمینارلر یکونلنگچ، قانون برچه محصللرگه رسمی تدریسی درسلر دایره‌سیده اۉقیتیله‌دی. طالبان بو ایشدن مقصد یاشلر و خلقنی اۉز مقرراتلری بیلن تانیشتیرماقچی ایکنینی بیلدیرگن.
طالبان قیته حاکمیتنی قولگه کیریتگنیدن سۉنگ، مملکت تعلیمی نصابی تشکیلات تامانیدن کۉپلب اۉزگریشلرگه اوچره‌دی و زاماناوی فَنلر نینگ بیر قیسمی چیقاریب تشلندی.
اوشبو ینگی قرار خلق‌ارا تشکیلاتلر و بشر حقوقلری تمثیلچیلری نینگ طالبان امربالمعروف قانونیدن بیلدرگن خواطرلری دوامیده عملگه آشیریلماقده.
منبع: ۸صبح روزنامه‌سی
🌐
