بېرله‌شگن ملتلر تشکیلاتی نینگ قاچاقلر بۉییچه عالی کمیشنرلیگی افغانستانده مینگلب عایله‌لر قیش نینگ قتتیق سااوغی بیلن روپه‌ره اېکنیدن آگاهلنتیردی. تشکیلات معلوماتیگه کۉره، مملکت نینگ بیر قطار حدودلریده هاوا منفی ۲۵ درجه‌گچه توشگن بۉلیب، محتاج عایله‌لر ایسسیق کییم، ایسیتیش وسایللری و پاناه‌جایگه کته نیازمند دیر.
بېرله‌شگن ملتلر تشکیلاتی نینگ قاچاقلر بۉییچه عالی کمیشنرلیگی اسپانیالیک خادیمی امایا مارتینز، کابلده‌گی دپودن ترقه‌تیلگن ویدیو آرقیلی کۉپلب عایله‌لر قتتیق ساوقده یشش امکانیتلریدن محروم اېکنینی معلوم قیلدی.
مارتینز ایتگن: «بو یېرده قیش اېنگ قین اوته‌دی. مینگلب عایله‌لر آغیر احوالده یشه‌ماقده و انسانلر هر کونی اۉزلرینی ساوقدن سقلش اوچون قینچیلیکلرنی باسیب اۉتماقده‌لر.» او یاردم کۉرسه‌تیشنی تېزلشتیریشنی سۉره‌دی.
قاچاقلر بۉییچه عالی کمیشنرلیک خلق‌ارا یاردم بیرووچی نهادلردن محتاج عایله‌لر نینگ اساسی احتیاجلرینی تأمینلش اوچون بشردوستلیک حصه قۉشیشلرینی طلب قیلگن. قشاقلیک، ایقتیسادی بحران و مهاجرلر نینگ قه‌یتیشی عایله‌لر قیینچیلیکلرینی یَنده‌هم آرتتیرگن.
هجرت خلق‌ارا تشکیلاتی هم بوندن آلدین قیشکی پروگراملر اوچون ۸٫۸ میلیون دالر بودجه ییتیشماوچیلیککه دوچ کېلگنینی اعلان قیلگن اېدی. بو کسر ۱۴۰ مینگدن آرتیق انسان نینگ حیاتی یاردمگه اېریشیشینی خوف آستیگه قۉیگن.
یاد بۉلگن تشکیلات آگاهلنتیردی که، بو مالی منبعلر اۉز وقتیده تأمینلنمه‌گن تقدیرده، اۉن مینگلب اهالی قیش نینگ سااوغی آستیده بی‌پناه قاله‌دی و یمان انسانی عاقبتلر کېلیب چیقه‌دی.
منبع: بېرله‌شگن ملتلر تشکیلاتی نینگ قاچاقلر بۉییچه عالی کمیشنرلیگی
🌐
