یمن حوثیلری ریاض‌ده‌گی ملک خالد هوایی قونلغه‌سی و سعودستان نینگ نفت تأسیساتلریگه هجوم اویوشتیرگنینی معلوم قیلدی. مذکور گروه جازان چېگره منطقه‌سیده حربی کوچلر توپله‌نگن نقطه‌گه ایکّی بالستیک راکت اېتیب اورگنینی هم بیلدیرگن، بیراق سعودی رسمی‌لری بو هج⼤ملرنی تأییدله‌مه‌گن.
رویترز آژانسی معلوماتیگه کۉره، حوثیلر جمعه کونی تارقاتگان بیاناتیده سعودی عربستان ایچکریسیگه قره‌تیلگن هج⼤ملر حقیده خبر بېرگن. بیراق اوشبو گروه الریاض قونلغه‌سیده قنده‌ی قورال قوللنگنی یا-ده ییتکزیلگن تلفات بۉییچه انیق تفصیلات ترقه‌تمه‌دی.
حوثیلر باشقه بیر بیاناتده جازان ولایتی نینگ الطوال منطقه‌سیده توپله‌نگن سعودی کوچلریگه قره‌تیب ۲ بالستیک راکت شلیک قیلگنینی ادعا اېتدی. سعودی ملکی مدافعه اداره‌سی بو ادعادن بیر نېچه ساعت آلدین وضعیت تینچ ایکنینی بیلدیرگن اېدی.
نشانگه آلینگن نفت تأسیساتلری سعودی عربستان نینگ شرق-غرب ستراتیژیک توربه لایحه‌سیگه تېگیشلی دیر. اوشبو لوله آرقه لی قیزیل دینگیز بۉییده‌گی ینبع بندریگه کونده قریب ۴ میلیون بیرل خام نفت ییتکزیب بېریله‌دی، بو ایسه دنیا بۉییچه نفت تأمیناتی نینگ قرېب ۴ فایزی دیر.
جازان ولایتیده کونده ۴۰۰ مینگ بیرل نفتنی قَیته ایشلش قوّتیگه اېگه بۉلگن آرامکو شرکتی کته تصفیه‌خانه‌سی جایلشگن بۉلیب، آلدین هم حوثیلر نینگ راکت و درون هج⼤ملریگه دوچ کئلگن اېدی. خطوط انتقالیگه قره‌تیلگن هجوملر منطقه‌ده‌گی نفت خطوطی خوفسیزلیگی اوچون اساسی خطرلردن سَنله‌دی.
منبع: رویترز آژانسی
🌐
