خلق‌ارا جنایی محکمه افغانستانده امریکالیک حربییلر تامانیدن حربی جنایتلر صادر اېتیلگنیگه عاید تېکشیریونی تۉختتدی. بو محکمه طالبان جنایتلریگه تېگیشلی دوسیه‌نی آلیب، اونی بۉلک روشده اۉرگه نیشینی معلوم قیلدی.
بو حُکم پنج‌شنبه کونی چیقاریلیب، جمعه کونی رسمی صورتده اعلان قیلیندی. محکمه قراریگه کۉره، قرشیده مهم چکلولر بارلیگی سببلی، څارنواللیک دلیلیلرگه قۉل تاپیش امکانیتیگه اېگه بۉلمه‌گن.
اسوشیتدپرس آژانسی معلوماتلریگه کۉره، خلق‌ارا جنایی محکمه‌سی څارنواللیگی اوشبو قرارگه آلدینراق قرشی چقینینی بیلدیرگن. بیراق محکمه تۉسیقلر حقیده قۉشیمچه معلومات بېرمه‌گن.
اوشبو قرار چیقاریلگن بیر پیتده، لاحه محکمه‌سی و اونینگ ۱۳ نفر فعالی دوانلد ترمپ اداره‌سی تامانیدن تحریم قیلینگن. واشنگتن اۉز پقراسی و اسراییل کبی متفقلری حقیده تېکشیرو اۉتکزیلیشیگه قطعی قرشی چیقماقده.
امریکا قۉشمه ایالتلری بو محکمه‌نینگ اعضاسی اېمس و اونینگ صلاحیتیگه تَن بیرمه‌یدی. افغانستانده ۲۰۰۲ ییلدن بېری صادر اېتیلگن جنایتلرنی اورگه نیش حکمی ۲۰۲۰ ییلده بیریلگن اېدی.
محکمه‌نینگ سابق څارنوالی کریم خان ۲۰۲۲ ییلده امریکالیک کوچلرگه باغلینق تېکشیریولر اولویتلی اېمسلیگینی بیلدیرگن اېدی. او جنسی سوچلاولر سببلی وظیفه‌سیدن چېتله‌تیلدی.
اۉتگن آی خلق‌ارا جنایی محکمه طالبان حکومتی نینگ تۉرت نفر یوقاری مرتبه‌لی رسمیسینی توتیش بوییچه حُکم چیقردی. اولر خاتین-قیزلرگه قرشی جنسیتی بېزاوته‌لیک اۉتکزیش و بشریتگه قرشی جنایتلرده عیبله‌نماقده.
منبع: اسوشیتدپرس
🌐
