غزنی ولایتیدهگی طالبان امنیه قوماندانلیگی، اوشبو ولایت نینگ قرهباغ تومنیده اوروشدن قالگن پارتلاوچی ماده پارتلشی عاقبتیده بیر باله نینگ هلاک بۉلیب، ینه بیری یرهلنگنینی معلوم قیلدی.
اوشبو قوماندانلیک نشر قیلگن خبرنامهگه کۉره، مذکور واقعه یکشنبه کونی، ۲۴ عقربده قرهباغ تومنی نینگ «جمالخیل» قیشلاغیده یوز بېرگن.
خبرنامهگه اساس، ایککی باله اۉینهیاتگن پیتده بیر کۉهنه سرگولولهنی تاپیب، اوتگه تشلهگنلر و بو ایش کوچلی پارتلشگه سبب بۉلگن.
اوشبو حادثه طفیلی ۱۴ یاشلی عبدالله ایسملی باله حیاتدن کۉز یومگن و مطیعالله ایسملی ۷ یاشلی ینه بیر باله تَن جراحتی آلگن.
بوندن بیر کون آلدین هم اوشبو ولایت نینگ گیرو تومنیده شونگه اۉخشاش بیر حادثهده دستی بمب پارتلشی ۳۰ یاشلی بیر عیال نینگ جانینی آلگن اېدی.
افغانستان بۉیلب اۉتمیش اوروشلردن قالگن پارتلاوچی مادهلر و ماینلر اینیقسه یاش بالهلر اوچون جدی خوف تُغدیرماقده دوام اېتماقده.
خلقارا قزیل خاچ کمیتهسی نینگ معلوم قیلیشیچه، ۲۰۲۵ ییلده افغانستانده ۳۰۹ باله جمله بۉلگن ۴۶۷ کیشی پارتلاوچی مادهلر قوربانی بۉلیب، اولردن ۹۲ نفری اولیب، ۳۷۵ نفری یرهلنگن.
منبع: غزنی ولایتیدهگی طالبان امنیه قوماندانلیگی خبرنامهسی
🌐