پکتیا ده گی طالبان والیسی مهرالله حماد، اوشبو گروه نینگ حاکمیتی افغانستان خلقی نینگ شریعت گه موافق یشه شگه تیار بۉلیشیگه سبب بۉلگنینی و بو یل بیلن اۉزلرینی «آخرت عذابی» دن قوتقرگنلرینی ادعا قیلدی. او بو سۉزلرنی «امر بالمعروف قانون» نی عملگه آشیریش کمیته سی ییغیلیشیده بیان ایتدی.
پکتیا ده گی طالبان والی دفتری نینگ خبرنامه‌سیگه اساساً، حماد بو ییغیلیشده، بو ولایتده گی بارچه دولت خادملریگه شریعت نی یوز فایز تطبیق ایتگنینی ایتگن. او، اولرنینگ حکومتی نینگ اساسی مقصدی دینی احکام لرنینگ تۉلیق اجرا ایتیلیشی اوچون زمینه یره تیش ایکنینی تاکیدله‌دی.
طالبان رهبری ملا هبت الله آخندزاده نینگ بویروغی بیلن مملکت بۉیلب اجرا ایتیله‌یاتگن امر به معروف و نهی از منکر قانونی، بو گروه نینگ قدرت گه قیتگنیدن بېری اِنگ سختگیرانه قانونلریدن بیری حسابله نه‌دی.
طالبان رهبری آلدینراق، بو گروه نینگ ییگیرمه ییللیک اوروشی نینگ اساسی مقصدلریدن بیری عینِ شو قانون نی تطبیق ایتیش بۉلگنینی اعلان قیلگن اېدی. اونینگ دستوریده، بو قانون نینگ اجرا ایتیلیشینی تأمینلش اوچون تمام ولایتلرده والی لر ریاستیده منظم نظارتی ییغیلیشلر اۉتکزیلیشی کېره ک.
بو شونده‌ی بیر حالده که، منتقدلر، خصوصاً انسان حقوقلری تشکیلاتلری و خاتین قیزلر حقوقلری فعاللری، طالبان نینگ بو قانون نی اهالی نینگ اساسی حقوقلرینی، اینیقسه خاتین قیزلرنیکینی، باستریش اوچون بیر قورال صفتیده استفاده قیله یاتگنینی ایتماقده لر. اولرگه کۉره، بو قانون خاتین قیزلرنینگ عمومی ساحه‌دن سیستماتیک روشده چیقریلیشیگه و فردی و اجتماعی ایرکینلیکلرنینگ چکلنیشیگه آلیب کیلگن.
منبع: Zarin TV
🌐
