بیرلشگن ملتلر تشکیلاتی نینگ تعلیمی، علمی و مدنی تشکیلاتی (یونسکو) اۉز تاسیس ایتیلگنلیگی نینگ سکسانینچی ییللیگی مناسبتی بیلن، خلق‌ارا تینچلیکنی تامینلش اوچون تعلیم، علم و مدنیت نینگ بنیادی رولینی تاکیدلدی.

اوشبو خلق‌ارا اداره یک‌شنبه کونی، ۱۶ نوامبرده، رسمیی بیانات ترقه‌تیب، تاسیس اېتیلگن پیتدن بویانی بیلیم، اۉز ارا مُلاقات و همکارلیک آرقه لی تینچلیکنی کینگه‌یتیریش اوچون حرکت قیلگنینی معلوم قیلدی.

یونسکو مسووللری نینگ ایتیشیچه، سکسز ییل اۉتگن بۉلسه هم، اوشبو تشکیلات نینگ اساسی ماموریتی و انسانی همکارلیکنی کوچه‌یتیریش مسوولیتی اۉز اهمیتی و ارزشینی سقلب قالماقده.

تشکیلات نینگ قید اېتیشیچه، زمانه‌وی معمالرگه قرشی کوره‌شیش و نِزاعلردن امان قالیش اوچون، بشر جماعه‌سی نینگ فکری و اخلاقی بیردملیگی اساسی شرط دیر.

یونسکو اۉتگن اۉن ییللیکلر دوامیده دُنیانینگ کوپلب مملکتلریده مدنی میراثلرنی سقلش و تعلیم سکتورینی ریواجلنتیریش بۉییچه تورلی لایحه‌لرنی عملگه آشیرگن.

اوشبو تشکیلات اۉز بیاناتیده اۉرغولشیچه، عومومی تعلیمگه سرمایه‌یاتقیزیش و ایلغار علم-پندنی حمایه‌لش کېلگوسی نسللر اوچون پایدار تینچلیک کَفالتی حسوبلنه‌دی.

منبع: یونسکو

🌐

Author