امریکا قوشمه ایالتلری نینگ ایرانگه قرشی دینگیز و قوروقلیک یوللریده‌گی توسیقلری و چیکلاولری کوچه‌ییشی بیلن، بو اولکه‌ده ییگولیک و دوری-درمان کمچیلیگی خواطرلری کوچه‌یدی. الجزیره معلوماتیگه کۉره، بازارده ترماقلر نایاب بۉلیشیدن قورققن بعضی اهالی اساسی ترماقلر و دوریلرنی غملشگه باشله‌گن.

شونینگدیک کلتوریلگن ترماقلر نینگ باهالری آشیب کیتیشی بیلن باغلیق قیغورلر هم ایران بازارلریده یوکسه‌لیب بارماقده. اهالی ترانزیت یوللری یاپیلیب قالمسدن آلدین خریداورلیک قیلیشگه اورینماقده.

امریکا دینگیز یوللری و قوروقلیکده‌گی سودا لینیه‌لرینی چیکلش آرقه لی ایران نینگ تشقی سودا فعالیتلرینی قیینلشتیرماقده. اوشبو وضعیت بو مملکت نینگ کیلتیروو، صادرات و عمومی ایقتیصادی احوالیگه نسبتن جددی سلبی تاثیر قۉیدی.

باشقه تاماندن، ایران رسمی لری اولکه‌ده اساسی آذیق-آوقت ذخیره‌لری ییترلی ایکنینی بیلدیردی. رسمیلر تأکیدلیشیچه، موجود استراتژیک انبارلر کمیده آلتی آی دوامیده اهالی نینگ احتیاجینی تۉلیک تأمینلشگه قدرتلی دیر.

ایران بیلن باغلیق ایقتیصادی اوزگریشلر افغانستان و منطقه اولکه‌لری اوچون هم اهمیتلی، چونکه ایککی تامان اۉرته‌سیده کینگ کۉلملی سودا و ترانزیت مناسبتلری موجود دیر.

حاضرگی پیتده دوام ایته‌یاتگن چیکلاولر سببلی سودا مواماله‌لری قیینلشگن بۉلسه‌ده، ایران رسمیلری استراتژیک انبارلر یاردمیده وضعیتنی نظارت قیلیشگه حرکت قیلماقده.

منبع: الجزیره

🌐

Author