اردنده نشر اېتیله‌دیگن «دنیا نینگ ۵۰۰ تأثیرلی مسلمانی» ییللیک جریده‌سی طالبان حکومتی رهبرینی دنیا نینگ ۵۰ تأثیرلی مسلمان شخصیتی آره‌سیده ۴۳-اورینده قرار بېردی.

اوشبو رۉیخط هر ییلی اردن پایختی عمان شهریده جایلشگن شاهانه اسلامی استراتیژیک تدقیقاتلر مرکزی تامانیدن نشر اېتیلیب، اونینگ اساسی مقصدی مسلمان شخصیتلرنینگ اسلامی دنیاگه تأثیرینی انیقلش و بها بېریش دیر.

مرکز نینگ بیلدیروشیچه، بو ییلگی رۉیخطده عربستان پادشاهی سلمان بن عبدالعزیز آل سعود و اونینگ اوغلی محمد بن سلمان بیرینچی اوریننی اېگلله‌گنلر.

پاکستان باش وزیری شهباز شریف و اوشبو مملکت قوراللی کوچلری قومندانی عاصم منیر ایکّینچی اوریننی، تورکیه جمهور رئیسی رجب طیب اردوغان اېسه اوچینچی اوریننی قولگه کیریتگن.

اردن اسلامی استراتیژیک تدقیقاتلر مرکزی نینگ معلوماتیگه کۉره، تأثیر قوبیلیتی دېگنده، شخص نینگ اسلام دنیایسی یاکه مسلمانلرگه سلب یا ایجابی کتّه اۉزگریش یبتووچی سیاسی، فکری، مدنی یاکه مالی نفوذی نظرده توتیله‌دی.

طالبان حکومتی رهبری نینگ نامی اوشبو رۉیخطده کېلتیریلگن بیر حالده، افغانستانده‌گی تصامیم و اۉزگریشلر کۉپینچه خلق ارا و منطقه مقیاسیده دیاقّت مرکزیده قالیب کېلماقده.

منبع: اردن شاهانه اسلامی استراتیژیک تدقیقاتلر مرکزی

🌐

Author