بیرلشگن ملتلر تشکیلاتی باش کاتبی انټونیو ګوترش اۉز اختیاری حربی سېستملر سیاسی جهتدن قبول قیلیب بۉلمس و اخلاقی جهتدن نفرتلی ایکنینی بیلدیریب، اولرنینگ کینگهیشینی تۉختهتیشگه چقیریش قیلدی.
ګوترش دوشنبه کونی اکس پلتفورمیدهگی صحیفهسیده اوشبو قوراللر بشردوستلیک، حقوقی، اخلاقی و خوفسیزلیک ساحهلریده ینگی آغیر قیینچیلیکلر یرهتیشینی یازدی.
بیرلشگن ملتلر تشکیلاتی باش کاتبی نینگ اورغولشیچه، دنیا جماعهسی اوشبو رحمتسیز قوراللر ترقهلیشیگه قرشی حرکت قیلیب، انسانلر حیاتی و بشری اخلاقنی بیرینچی اۉرینگه قۉییشی کیرهک.
او شونینگدېک دنیا بۉیلب حربی تۉقنهشوو و اوروشلر جدی کینگهیگنینی و هر بیر اوروش ینگی بحرانلرگه سبب بۉلیاتگنینی اېسلتیب اۉتدی.
ګوترش بوندن آلدین هم خلق ارا توقنهشوو و اوروشلرنی درحال توختهتیشنی همده خلق ارا قانونلرگه عمل قیلیشنی طلب قیلگن اېدی.
باش کاتب اوشبو بیاناتی یکونیده انسانلر حیاتینی هرتورلی ینگی و خطری خوفلی تکنالوژیلردن مدافعه قیلیش خلق ارا بیرلشوو اساسیده مهم ایکنینی ایتدی.
منبع: انټونیو ګوترش اکس صحیفهسی
🌐