ایران سپاه پاسدارانی نینگ حربی دینگیز کوچلری اۉتگن ۲۴ ساعت دوامیده تۉرتینچی نفت تانکری هرمز بوغازی دن اۉتیش چاغیده پارتله‌گنینی معلوم قیلدی. ایران حربی رسمیلری بو واقعه منطقه‌وی سوولرده یوز بېرگنینی بیلدیردی.

سپاه پاسداران مطبوعات بولیمی سه‌شنبه کونی بیر بیانات ترقه‌تیب، اوشبو نفت تانکری هرمز بوغازی نینگ شرقی قیسمیده دینگیز ماینی بیلن تۉقنشگنینی ایتدی. معلوم قیلینیشیچه، کیمه اوشبو ستراتژیک یۉلده حرکت قیله‌یاتگن اېدی.

سپاه پاسداران اوشبو نفت تانکری اۉز نه‌ویگیشن تیزیمینی اۉچیرگنینی ادعا قیلدی. سپاه نینگ ایتیشیچه، مذکور کیمه هرمز بوغازی شرقی بولیمیده‌گی «منع قیلینگن حدودده» یۉل باسیب اۉته‌یاتگن اېدی.

بریطانیا دینگیز سوداگرلیگی عملیات مرکزی هرمز بوغازی یقینیده بو حادثه یوز بېرگنینی تصدیق له‌دی. بو مرکز عمان نینگ خصب منطقه‌سی دن ییتی میل شمالده حادثه حقیده معلومات آلگنینی ایتدی.

بریطانیا مرکزی نینگ گزارشیگه کۉره، اۉته‌یاتگن تانکرگه هجوم اویوشتیریلگن و نتیجه‌ده موتورخانه‌سیده یانغین یوز بېریب، کیمه حرکتدن تۉخته‌گن. مرکز بارچه کیمه خادملری ساغ-سلامت اېکنینی بلدردی.

اوشبو حادثه‌لر ایران و امریکا اۉرته‌سیده‌گی اوروشنی توگه‌تیش و هرمز یۉلینی آچیشگه قره‌تیلگن دیپلوماتیک حرکتلر بیلن بیر چاغده یوز بېرمقده. سونگی هفته‌لرده ایران کوچلری بو سوو یۉلیده بیر نېچته تانکر پارتله‌گنی حقیده خـبر بېردی.

منبع: سپاه پاسداران و بریطانیا دینگیز سوداگرلیگی مرکزی

🌐

Author