آیووا ایالتی باشقه ۲۹ آمریکا ایالتی بیلن بیرگه لیکده اوشبو مملکت نینگ عالی محکمه سیگه بیر لایحه تقدیم اېتیب، ۱۱ سپتامبر هجوملری قربانلری نینگ عایله لرینی افغانستان مرکزی بانکی نینگ ۳.۵ میلیارد دالرلیک موزله تیلگن داراییلریگه قول تاپیشدن منع قیلووچی بیر حکم نینگ قیته کۉриб چیقیلیشینی سۉره دیلر.
بو ایالتلر، کنگره تامانیدن تصویب بولگن قانون نینگ تروریستی اقداملردن مسئول بیر تشکیلات نینگ موزله تیلگن داراییلری نینگ قربانلرگه غرامت تولش اوچون ایشله تیلیشیگه صراحت بیلن رخصت بیریشینی استدلال قیلماقده لر. ۱۱ سپتامبر قربانلری نینگ عایله لری آلدین آمریکا محکمه لریده طالباندن تقریباً ۱۷ میلیارد دالر غرامت آلیش حکمینی قازانگنلر.
آیووا ایالتی نینگ عمومی دادستانی برینا برد، قربانلر و اولرنینگ عایله لری نینگ قضایی نظام آرقه لی عدالت اوچون حرکت قیلگنلرینی و اولرنینگ نفعیگه حکم بولگن پولنی آلیشلری کېره لیگینی ایتدی. بو ینگی حقوقی اقدام، افغانستان خلقی نینگ داراییلرینی قولگه کیریتیش اوچون فشارلرنی آرتیرگن.
۲۰۲۱ نچی ییل اگست آییده طالبان نینگ قدرتگه قیتیشیدن سۉنگ، آمریکا قوشمه ایالتلری افغانستان مرکزی بانکی نینگ تقریباً ۷ میلیارد دالرلیک ارزی ذخیره لرینی موزله تدی. بایدن دولتی کیینچه لیک بو مبلغ نینگ یریمی (۳.۵ میلیارد دالر)نی سویس ده گی بیر امانتی صندوقگه انتقال بیردی و قالگن یریمینی ۱۱ سپتامبر قربانلری عایله لری نینگ حقوقی دعوالرینی کۉриб چیقیش اوچون اجره تدی.
بیراق، ۲۰۲۳ نچی ییل فبروری آییده، نیویورکده گی بیر فدرال قاضی بو عایله لرنینگ بو داراییلرگه قول تاپیشی ممکن اېمس لیگینی حکم قیلدی، چونکه افغانستان مرکزی بانکی قضایی مصئونیتگه اېگه و محکمه بو مبلغ لرنی انتقال بیریش صلاحیتیگه اېگه اېمس. حاضر ۳۰ ایالتدن عبارت بیر ائتلاف، آمریکا نینگ اینگ یوقاری قضایی مرجعی بولگن عالی محکمه دن بو قرارنی لغو قیلیشینی ایسته
ماقده.
بو دوسیه کۉپلب حقوقی و اخلاقی بحث لرنی قوزغه تگن. منتقدلر بو داراییلرنینگ طالبان حکومتیگه اېمس، بلکه افغانستان خلقیگه تیگیشلی ایکنینی و غرامت تولش اوچون ایشله تیلیشی، اۉزی تروریزم قربانی بولگن بیر مملکت خلقی نینگ جمعی جزاسی حسابلنیشینی ایتماقده لر.
منبع: آیووا عمومی دادستانلیگی
🌐
