افغانستان جمهوریت توزومی نینگ سابق والیسی حلیم فدایی، سابق جمهور باشلیغی محمد اشرف غنی بیلن طالبان حکومتی اۉرته‌سیده‌گی یاشیرین کېلیشوو و علاقه‌لر حقیده‌گی ترقه‌لگن سۉزلرنی اساسسیز دېب رد اېتدی.

فدایی نینگ ایتیشیچه، بیر قطار کیشیلر قیسقه مدّتلی عامه‌وی قیزیقیشلرنی قازانیش، سیاسی فضا نی چېلغیتیش یا اۉز مقصودلری اوچون اوشبو میش‌میشلرنی ترقه‌تماقده، بیراق معتبر هجّتلر تاپیلمه‌گونچه بو دعوالر قبول قیلینمه‌یدی.

اوشبو سابق رسمیی اۉز معلوماتیگه تایه‌نیب تأکیدلشیچه، اشرف غنی حاضرگچه طالبان حکومتی بیلن هیچ قنده‌ی تۉغریدن-تۉغری یا واسطه‌لی علاقه قورگن اېمس.

فدایی قۉشیمچه قیلیشیچه، اگر اشرف غنی اۉز سیاسی ترماغی، جمهوریت قدریتلری و خلق اراده‌سیگه قرشی طالبان بیلن قنده‌یدیر کېلیشوو اۉرنه‌تسه، او بو ایشگه بیرینچی بۉلیب قرشی چیقه‌دی.

اونینگ سۉزلریگه کۉره، غنی نینگ سیاسی قره‌شلری قانون حاکمیتی، عیاللرنینگ اساسی حقوقلری و دولت‌قوریش تمللریگه باغلنگن بۉلیب، بو پرینسیپلردن کچمیدی.

اوشبو موضوع ترماقلرده افغانستان نینگ سابق سیاسی رهبرلری و اولرنینگ تورلی هره‌کتلری بۉییچه بحثلر کۉپه‌یگن پیتده بیلدیریلدی.

منبع: حلیم فدایی نینگ فیسبوک صحیفه‌سی

🌐

Author