پاکستان تشقی ایشلر وزیری اسحاق دار اسلام‌آبادده بۉلیب اۉتگن ییغیندا افغانستان نینگ اۉتمیش حکومتی نی دموکراتیک دېب اتدی و اۉز دولتی کابل نینگ حاضرگی اداره‌سینی رسمی تانیمسلیگینی معلوم قیلدی.

پاکستان رسانه‌لری معلوماتیگه کۉره، اسحاق دار اسلام‌آبادده اقتصادی همکارلیک تشکیلاتی (اکو) تشقی ایشلر وزیرلری ییغینیده بو تشکیلات کاتبیتی ده افغانستان اعضالیگی تۉخته‌تیلگنینی و شو سببلی طالبان دعوتی بۉلمه‌گنینی، بیراق اۉتمیش جمهوریت بیراغی کۉرگزمه قیلینگنینی ایتدی.

اونینگ ایتیشیچه، سۉنگگی بیر ییلدن کۉپراق واقت دوامیده اسلام‌آباد بیلن طالبان حکومتی اورته‌سیده مناسبتلر بوزیلگن و پاکستانلیک رسمیلر کابلده‌گی حاضرگی توزیلمه‌نی نامشروع، هه‌مه‌نی قَمرب آلمه‌گن و قوراللی گروهلرنی حمایه قیلووچی دېب باهوله‌گن.

پاکستان تشقی ایشلر وزیری کابلگه بۉلگن اۉتمیش سفریدن یاده آلیب، پاکستان نینگ بیرگه‌نه طلبی افغانستان توپراغیدن باشقه دولتلر اینیقسه پاکستانگه قرشی فایده‌لنمسلیک بۉلگنینی، لېکن بو طلب عملی بۉلمه‌گنینی بیلدیردی.

دار اۉتگن ییل میزان آییده‌گی چگره توقنه‌شولرینی قبول قیلیب بۉلمس دېدی و اسلام‌آباد چگره‌لرنی یاپگن بۉلسه هم، بیر آی دوامیده بیرلشگن ملتلر تشکیلاتی نینگ قریب ۱٬۰۰۰ کانتینر بشری یاردمینی اۉتکزیب بېرگنینی ایتدی.

او قوراللی گروهلر افغانستانده بارلیگی حقیده ادعا قیلیب، پاکستان بو گروهلرگه قرشی انیق چاره‌لر کۉریلسه‌گینا ساوودا-صادق علاقه‌لرینی قیته تیکلشنی ایسته‌شینی قۉشیمچه قیلدی.

منبع: پاکستان رسانه‌لری

🌐

Author