روسیه تشقی ایشلر وزیرلیگی سوزلاوچیسی ماریا زاخارووا مسکو ده‌گی خبری ییغینیده، افغانستان توفراغیده تروریزم یوقاتیلیشی و ثبات تامین اېتیلیشی کیره‌ک دېب بیلدیردی. اونینگ ایتیشیچه، خلق‌ارا ترورچی گروهلر، اینیقسه داعش خراسان ترماغی هلی هم بو مملکتده فعالیت قیله‌دی.

او قوشیمچه قیلدی که، خلق‌ارا تروریزمگه قرشی کوره‌ش هر قنده‌ی پنهان مقصدلر و یشیرین برنامه‌لرسیز آلیب باریلیشی کیره‌ک. مسکو منطقه‌وی معمالرنی منطقه‌وی یوللر بیلن حل قیلیش اصولینی انیق قوللب-قوتله‌یدی.

زاخارووا، روسیه معین تروریزمگه قرشی حرکاتلر بوییچه سوزلشوولر اۉتکزیب، کیلیشوو اساسیده یاردم بېریشگه تیار اېکنینی معلوم قیلدی. او مسکو فرمتینی کوپلب اولکه‌لرنی بیرلشتیرووچی اینگ مناسب چوکات صفتیده تیلگه آلدی.

روسیه رسمی‌سی پاکستاننی تروریزمگه قرشی کوره‌شده اساسی شریک اتدی و مسکو طالبان همده اسلام‌آباد اورته‌سیده‌گی توقنوشوولرنی کوزه‌تیب باریاتگنینی بیلدیردی. اونینگ قید اېتیشیچه، اگر ایککی تامان ایسته‌سه، مسکو دیالوگ یاردمچیسی بولیشی ممکن.

بوندن ایلگری، بیرلشگن ملت‌لر تشکیلاتی خوفسیزلیک کینگشیده روسیه تمثیلچیسی داعش خراسان ترماغی خارجی مالیه یاردمی و سابق اوروشچیلر طفیلی حربی کوچینی سقلب قالگنینی آگاهلنتیرگن اېدی.

شونینگدیک، بیلیم‌لر شونی کورسه‌ته‌دیکی بو گروه درونکبی زمانه‌وی قوراللرگه ایگه بولماقده، اما طالبان حکومتی داعش بارلیگینی رد اېتیب، اونی بوتونله‌ی یوق قیلگنینی دعوا قیله‌دی.

منبع: روسیه تشقی ایشلر وزیرلیگی

🌐

Author