اروپا فضا آژانسی بیلن جاپان فضانی تېکشیریش اداره‌سی نینگ قۉشمه لایحه‌سی بۉلگن «بیپی‌کلمبو» فضا کېمه‌سی، فضاده سکیز ییللیک سفر دن سۉنگ، عطارد سیاره‌سی نینگ مدارېگه کیریش آستانه‌سیده توریبدی.

اوشبو علمی مهم وظیفه قویاشگه اینگ یقین سیاره معمالرینی اۉرگه‌نیش اوچون اۉتکزیلماقده. عالملر سیاره ده‌هنه‌لریدگی یخ، اونی یوزه‌سیده‌گی قودوقلر و اولکن یېریاستی هسته‌سینی تېکشیرماقچیلر.

اروپا فضا آژانسی نینگ معلوماتیگه کۉره، مذکور فضا کېمه‌سی ۲۰۲۶ ییل ۲۱ نوامبر کونی مرکزی اروپا وقتی بیلن ساعت ۱۹:۲۴ ده عطارد مدارېگه کیریشی رېجه‌لشتیریلگن. بو حادثه اروپا فضا آژانسی نینگ اجتماعی ترماقلریده تۉغریدن-تۉغری نشر قیلینه‌دی.

اروپا و جاپان فضایی مرکزلری نینگ بو قۉشمه لایحه‌سی ۲۰۱۸ ییل ۲۰ اکتوبر کونی فرانسه‌نینگ گیان منطقه‌سیده جایلشگن کورو مرکزیدن «آریان ۵» راکتی آرقه لی فضاگه اوزه‌تیلگن اېدی. سفر دستلب یېتتی ییل دوام اېتیشی کوتیلگن بۉلسه-ده، هیداوچی تېخنیکی سیستماده‌گی ناقوسلیک سببلی سکیز ییلگه اوزایدی.

عطارد سیاره‌سیگه یېتیب بارېش فضا کېمه‌لری اوچون اینگ قیین و خوفلی حرکتلردن بیری سناله‌دی، چونکی قویاش نینگ کوچلی جاذبه کوچی فضا کېمه‌سی نینگ تیزلیگینی حددن تشقری آشیریب یوباره‌دی.

مدارگه کیریش نینگ سۉنگی حرکتی جوده مهم بۉلیب، کېمه ۳۷ دقیقه دوامیده مهار قیلووچی توخته‌تیش عملیاتینی بجارېشی کېره‌ک. موتخصصلر نینگ ایتیشیچه، بو باسقیچده‌گی کیچیک خطا هم فضا کېمه‌سی نینگ عطارد یانیدن اۉتیب، فضاده آواره بۉلیشیگه سبب بۉلیشی ممکن.

منبع: اروپا فضا آژانسی

🌐

Author