انبیسی نیوز ترماغی امریکا نینگ زراعت وزیرلیگی نینگ ایکّی سابق مسؤلیگه تیهنیب خبر بېریشیچه، اوشبو نهاد جاری هفتهده بیر سایبری هجومگه اوچرهگن. نهاد مسؤللری پنجشنبه کونی امنیتی بوزیلگنلیکنی اۉز خادملریگه بیلدیرگنلر.
ترقهتیلگن معلوماتلرگه کۉره، حاضرگی وقتگه قدر تۉلاولر دیتابیسی اوشبو نفوذگه دوچ کېلگنی تصدیقلنگن یلغوز بۉلیم دیر. شونگه قرهمسدن، سابق رسمیلر نشانگه آلینگن بو سیستم حساس معلوماتلرگه یۉل آچیشی ممکنلیگی هقیده آگاهلنتیرگنلر.
بو حساس معلوماتلر اۉز ایچیگه آذیق-آوقت خوفسیزلیگی و حیوانلر نینگ کسللیکلری بۉییچه تدقیقاتلرنی آلگن دیر. حاضرچه بو سایبری هجوم اوچون قیسی شخص یا گروه مسؤل ایکنی انیقلنمهگن.
امریکا نینگ سایبری خوفسیزلیک و اینفراستروکتور آژانسی بو بۉییچه سوراقلرنی زراعت وزیرلیگیگه یۉنلتیردی، بیراق اوشبو وزیرلیک بو موضوع بۉییچه تېزده جواب بېرمهگن.
عینی حالده، سیانان ترماغی هم بیرلشگن ایالتلر نینگ فدرال پولیسی یا افبیآی باشقه بیر دیتابیس بوزیلگنینی تېکشیرهیاتگنی حقیده خبر بېرگن. بو سیستم امریکا بۉیلب حوقوق-ترتیباط نهادلری تمانیدن حبسگه آلیش بویروقلری و جزایی سوابقلرنی المهشیش اوچون ایشلهتیلهدی.
منبع: انبیسی نیوز و سیانان
🌐