طالبان حکومتی نینگ دایکندی ولایتیدهگی اطلاعات و کلتور ریاستی قیزلر نینگ قولگه آلینیشی حقیدهگی خبرلرنی رد اېتدی، اما عایلهلر چقیریلگنینی تایید قیلدی.
اوشبو اداره جمعه کونی ترقهتگن بیاناتیده، قیزلری طالبان ایستهگن کیینیش قاعدهلریگه عمل قیلماگن عایلهلر اصلاحی مصلحتلر اوچون چقیریلگنینی بیلدیردی.
طالبان حکومتی نینگ ایتیشیچه، بو اقدام اسلامی و مدنی ارزشلرنی سقلش همده تنبیهلر بېریش مقصدیده عملگه آشیریلگن.
محلی طالبان مسؤوللری هیچ بیر قیز بیلن یمان معامله بولمهگنینی و هیچ کیم حبسگه آلیلمهگنینی ادعا قیلماقده.
بوندن آلدین، محلی منبعلر افغانستان اینترنشنالگه طالبان امر بالمعروف خادملری سنګتختوبندر تومنیده ۴ یاش قیزنی چادری کیمەگنلیک سببی بیلن توتقنینی بیلدیرگن اېدی.
منبعلر گواهلیک بېریشیچه، اوشبو قیزلر قرهرگه کۉره ۷ ساعت حبسده سقلهنیب، محلی آقسقاللر کافالتی بیلن قوییب یوباریلگن.
منبع: افغانستان اینترنشنال
🌐