د طالبانو د بهرنیو چارو وزارت ویاند عبدالقهار بلخي په یوه بیان کې په یمن کې له ټولو ښکیلو غاړو غوښتي چې له تاوتریخوالي ډډه وکړي.
دغې ډلې د خبرو اترو له لارې د ستونزو پر حل ټینګار کړی او د یووالي لپاره د ترسره شویو هڅو هرکلی یې کړی دی.
په ورته وخت کې، متحده عربي اماراتو اعلان کړی چې په یمن کې خپل پوځي ماموریت پای ته رسوي او خپل ځواکونه وباسي.
دا پریکړه د ریاض او ابوظبۍ ترمنځ د تاوتریخوالي له زیاتیدو او د جنوبي انتقالي شورا په ګډون له بیلابیلو ډلو څخه د ملاتړ په اړه د تورونو وروسته شوې ده.
د سعودي په مشرۍ ایتلافي ځواکونو په دې وروستیو کې په مکلا بندر هوايي برید وکړ چې ریاض وايي د اماراتو اړوند وسلې یې په نښه کړې وې.
دا پرمختګونه په وروستیو میاشتو کې د یمن په جګړه کې د پخوانیو متحدینو ترمنځ بې سارې ژور اختلاف څرګندوي.
