د ستر صوفي شاعر او عارف، مولانا جلال الدین محمد بلخی د مړینې د تلین مراسم د ترکیې په قونیه ښار کې په ځانګړي شان او شوکت سره ترسره شول. د نړۍ له ګوټ ګوټ څخه د هغه مینه وال او سیلانیان د دې ستر شخصیت د یاد نمانځلو لپاره راټول شوي وو.
د دې نړیوالو مراسمو تر ټولو مهمه برخه د «شب عروس» یا د واده د شپې ځانګړي مراسم دي چې د مولویه طریقې د درویشانو له خوا ترسره کیږي. دا شپه له خپل رب سره د مولانا د وصال، یوځای کیدو او د ابدي مینې د پیل نښه ګڼل کیږي.
د درویشانو سماع او د نی زړه راښکونکی اواز دې غونډې ته یوه ځانګړې روحاني فضا ورکړې ده. دا مراسم هر کال د مولانا د مینې، سولې او ورورولۍ پیغام نوي کوي او د سیمې په کچه یو لوی کلتوري ارزښت لري.
#مولانا #جلال_الدین_بلخی #شب_عروس #قونیه #درویشان #عرفان #افغانستان #کلتور #ادبیات #سماع #مولویه #سوله
