ایران نږدې پنځه ساعته وروسته، نن پنجشنبه د جنوري ۱۵مه، خپل هوایی حریم بیرته د الوتنو پر مخ پرانیست.
رویترز راپور ورکړی چې دا کار د امریکا د احتمالي پوځي برید د ویرې له امله شوی و، چې له امله یې نړیوالې الوتنې له ځنډ سره مخ شوې.
د هند د “اینډیګو” په ګډون لویو هوایی شرکتونو اعلان کړی چې الوتنې یې د دې ناڅاپي بندیدو له امله اغیزمنې شوې دي.
د راپورونو له مخې، یوازې هغو الوتنو ته د تیریدو اجازه ورکړل شوې وه چې مخکې یې رسمي جواز درلود.
دا وضعیت په داسې حال کې رامنځته شو چې ډونالډ ټرمپ د احتمالي برید خبره کړې وه.
په سیمه کې تاوتریخوالی لاهم لوړ دی او امریکا په منځني ختیځ کې خپلې ځینې پوځي اډې تخلیه کړې دي.
د ایران د اسمان ناڅاپي بندیدل او خلاصیدل په سیمه کې نازک امنیتي وضعیت او پر نړیوال هوایی ټرانسپورټ د هغې مستقیم اغیز څرګندوي.
