کاج رسنۍ نویو جزییاتو ته لاسرسی موندلی چې ښیي د تکواندو ورزشکارې خدیجې احمدزاده نیول کیدل د یو بهرني مستند فلم له خپریدو سره تړاو درلود. د دې راپورونو له مخې، هغه مستند چې د افغان-هالنډۍ خبریالې هیلا نورزۍ لخوا جوړ شوی و، د ۲۰۲۵ په نومبر کې د هالنډ له دولتي تلویزیون څخه خپور شو.
ویل کیږي چې طالبانو د دې مستند له خپریدو لږ وروسته، چې احتمالاً د ښځو وضعیت ته پکې کتنه شوې وه، د خدیجې احمدزاده په نیولو اقدام وکړ. دا موضوع د لومړي ځل لپاره د صابر پیرزاد لخوا په هالنډي رسنیو کې منعکس شوه او د دې ورزشکارې دوسیې ته یې پام راواړاوه.
که څه هم نا تایید شوي راپورونه د هغې د اوسني خوشې کیدو خبر ورکوي، خو د نیول کیدو د لامل افشا کیدل په بهرنیو رسنیو کې د ښځو د وضعیت انعکاس ته د طالبانو شدید حساسیت ښیي. د دې دوسیې نور جزییات او د یاد مستند تر شا حقایق به ژر خپاره شي.
د افغان تکواندو کارې خدیجې احمدزاده د نیول کیدو د لامل په اړه نوي جزییات
