زرګونه امریکایي سمندري ځواکونه د هرمز تنګي د پرانستلو لپاره د ټاکل شوي ضرب الاجل سره سم د مرکزي قوماندانۍ یا سنتکام سیمې ته ننوځي. ټاکل شوې چې دا ځواکونه د جمعې په ورځ په سیمه کې ځای پر ځای شي.
دوو امریکايي چارواکو تایید کړې چې شاوخوا دوه زره او دوه سوه ځانګړي ځواکونه به له لویو جنګي بېړیو سره ژر سیمې ته ورسیږي. دغه پوځي اقدام په منځني ختیځ کې د کړکیچونو د پام وړ زیاتوالی په ښکاره ډول ښیي.
په ورته وخت کې پنټاګون امر کړی چې په کالیفورنیا کې د میشتو پوځي ځواکونو یوه بله قطعه هم په راتلونکو اونیو کې دې سیمې ته واستول شي. امریکا د انرژۍ د دغه مهم مسیر پر بشپړ پرانستلو کلک ټینګار کوي.
#امریکا #پوځي #منځنی\_ختیځ #سنتکام #هرمز
🌐
